"İnter" heç-heçə etdi, "Sumqayıt" qalib gəldi - YENİLƏNİB

19:50

Milli.Az bildirir ki, Azərbaycan Premyer Liqasının XXV turu çərçivəsində AZAL "Sumqayıt" oyunu 1:2 hesabı ilə başa çatıb.

AZAL - "Sumqayıt" - 1:2

Qollar: Ruslan Əmircanov, 42 - Amil Yunanov, 22, Mirabdulla Abbasov, 63

-------

17:49

Milli.Az bildirir ki, Azərbaycan Premyer Liqasının XXV turu çərçivəsində AZAL "Sumqayıt" oyunu başladı.

------------

16:54

Milli.Az bildirir ki, Azərbaycan Premyer Liqasının XXV turu çərçivəsində "Zirə" - "İnter" oyunu 1:1 hesabı ilə başa çatıb.

Qollar: Riçard Qadze, 19 - Rauf Əliyev, 12

------------

15:00

Milli.Az bildirir ki, Azərbaycan Premyer Liqasının XXV turu çərçivəsində "Zirə" - "İnter" oyunu başladı.

----------

10:06

Bu gün Azərbaycan Premyer Liqasında XXV tura yekun vurulacaq.

Milli.Az apasport.az-a istinadən xəbər verir ki, ikinci oyun günündə daha iki qarşılaşma baş tutacaq.

"Zirə" "İnter"i, AZAL "Sumqayıt"ı qəbul edəcək.
 
Turnir cədvəlində qonşu pillələrdə qərarlaşan "Zirə" ilə "İnter"in dueli az maraq kəsb etmir. "İnter" 3-cü yerdə möhkəmləndiyi halda, "Zirə" 4-cü pillədə rəqiblərin nəfəsini hiss edir. Bu mənada, Ayxan Abbasovun komandasına qələbə daha çox lazımdı. Maraqlıdı ki, bu komandaların cari mövsümdə keçirdiyi hər 3 qarşılaşmada heç-heçə qeydə alınıb. Özü də bütün görüşlər 1:1 hesabı ilə nəticələnib. Bu dəfə də eyni ssenarinin davam edib-etməyəcəyi maraq doğurur.
 
Sonuncu pillədəki mövqeyi rəsmiləşən AZAL isə "Sumqayıt"ı qəbul edəcək. "Təyyarəçilər"dən fərqli olaraq, "gənclik şəhəri" təmsilçisi Avropa Liqasına vəsiqə qazanmağa iddialıdı. Təsadüfi deyil ki, "Sumqayıt" 4-cü pillədə qərarlaşan "Zirə"dən cəmi 3 xal geri qalır. Bu mənada, Samir Abasovun yetirmələrini yalnız qələbə qane edəcək.
 
Azərbaycan Premyer Liqası
XXV tur
10 aprel (bazar ertəsi)

15:00. "Zirə" - "İnter"
İlk 3 dövrədəki oyunlar: 1:1, 1:1, 1:1
Hakimlər: Ramil Diniyev, Akif Əmirəli, Azər Əsgərov, Rəhim Həsənov
AFFA nümayəndəsi: Ramiz Abdullayev
Hakim-inspektor: Şahin Cəfərov
Zirə İdman Kompleksinin stadionu

17:30. AZAL - "Sumqayıt"
İlk 3 dövrədəki oyunlar: 1:1, 1:1, 0:1
Hakimlər: Rauf Cabbarov, Nahid Əliyev, Vüqar Bayramov, Əliyar Ağayev
AFFA nümayəndəsi: Rauf Əmirov
Hakim-inspektor: Füzuli Nəcəfov
"AZAL Arena"

Bombardir: Filip Ozobiç ("Qəbələ") - 11

Milli.Az

Digər maraqlı xəbərlər Milli.Az-ın Facebook səhifəsində