İdman

Qriqorçuk cәzalandı

19 Aprel 2016 15:05

0 Şərh Baxış: 1 605

VTB-də minimal faiz dərəcəsi ilə nağd kredit 9.9%-dən

#AZƏRBAYCAN FUTBOLU #NEFTÇİ #QARABAĞ #QƏBƏLƏ #RƏVAN #AZAL FK #SUMQAYIT FK

Bu gün AFFA İntizam Komitəsinin növbəti iclası keçirilib.

Milli.Az xəbər verir ki, aparılan müzakirələrdən sonra Azərbaycan Premyer Liqasının 30-cu turunun oyunları ilə bağlı aşağıdakı qərarlar çıxarılıb:

"Qəbələ" - "Rəvan" matçında "Qəbələ"nin 4 futbolçusu sarı vərəqə ilə cəzalandığı üçün klub 1000 manat cərimə olunub. Oyunun 61-ci dəqiqəsində "Rəvan"ın futbolçusu Saşa Yunisoğlu ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klubu 200 manat cərimə olunub. Oyunun 88-ci dəqiqəsində "Qəbələ"nin baş məşqçisi Roman Qriqorçuk texniki zona qaydalarını pozduğuna görə 1 oyun cəzalanıb, klubu 1000 manat cərimə olunub.

"Neftçi" - "Qarabağ" matçında "Neftçi"nin 5 futbolçusu sarı vərəqə ilə cəzalandığı üçün klub 1000 manat cərimə olunub. Matçın 23-cü dəqiqəsində "Neftçi"nin futbolçusu Ruslan Qurbanov sarı vərəqə ilə cəzalandırılıb. "Neftçi" bu epizodla bağlı İntizam Komitəsinə müraciət ünvanlayaraq öz etirazlarını bildirib. İntizam Komitəsi oyunun videoyazısını izlədikdən sonra aşağıdakı qərarı qəbul edib:

Oyunun 23-cü dəqiqəsində "Neftçi"nin futbolçusu Ruslan Qurbanova simulyasiyaya görə göstərilmiş sarı vərəqə hakim tərəfindən epizodun düzgün qiymətləndirilməməsi səbəbindən ləğv olunub.

AZAL - "Sumqayıt" matçında AZAL və "Sumqayıt"ın 4 futbolçuları sarı vərəqə ilə cəzalandıqları üçün hər iki klub 1000 manat cərimə olunub.

Milli.Az