İdman

Xaqani Məmmədovdan gülünc addım

26 Avqust 2014 16:52

1 Şərh Baxış: 1 189

VTB-də minimal faiz dərəcəsi ilə nağd kredit 9.9%-dən

#İDMAN

AFFA Hakimlər Komitəsinin sədri Xaqani Məmmədov bir hakimə Premyer Liqanının eyni turunda iki oyun həvalə etmək haqda düşünür.

Milli.Az-ın xəbərinə görə, bu haqda, o, özü "Het-trik news" qəzetinə bildirib.

O qeyd edib ki, Premyer Liqa oyunlarında aşağı qiymət alan hakimlər bir neçə tur "dincələcəklər".

"Bəziləri fikirləşir ki, səhvdi də etmişəm, onsuz da, 1-2 tur sonra yenə oyun verəcəklər. Belə olmaz. Bir tur üç gün ərzində keçirilir. Ehtiyat qüvvəmiz var. Amma risk eləmək istəmirik. Lazım gələrsə, bir hakim tur ərzində iki oyuna təyinat alacaq. Yəni cümə günü oyun idarə edən hakimə bazar günü də təyinat verə bilərik".

X.Məmmədov özü də etiraf edib ki, bir hakimin eyni turda iki oyuna təyin olunması arzuolunan deyil. "Məqsədimiz səhv etmiş hakimləri sərt cəzalandırmaqdır. Özləri də bunun fərqində olacaqlar. Bir tur oyunsuz qalmaq onların maddi durumuna təsir edəcək".

Qeyd edək ki, X.Məmmədovun bu açıqlaması birmənalı qarşılanmayıb. Sosial şəbəkələrdə bildirilib ki, AFFA Hakimlər Komitəsinin belə qərar verməsi gülünc doğuracaq. Düzdür, səhvə yol verən hakimin cəzalandırılması doğrudur. Amma sırf ona cəza vermək xatirinə başqa bir hakimə eyni turda iki oyunun həvalə edilməsi həm hakimlər arasında ayrıseçkilik yaradacaq, həm də referilərə gizli yolla da olsa hansısa klubun marağını qorumağa, manevr etmək imkanlarını artırmağa şərait yaradacaq.

Bir də ki, belə qərara dünya təcrübəsində - istisnaları bir kənara qoysaq - rast gəlinməyib. Amma görünür, X.Məmmədov barəsində onsuz da xoş sözlər deyilməyən Azərbaycan hakimliyi haqda bilərəkdən, ya bilməyərəkdən daha pis imic formalaşdırmağa çalışır.

Milli.Az

Milli.Az - Xəbər Portalı

Xaqani Məmmədovdan gülünc addım

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?