İdman

Braziliyalı ulduzun çökməsi: O, həbsxanada belə yaşayır

19 May 2024 14:47
Baxış: 1 451
VTB-də minimal faiz dərəcəsi ilə nağd kredit 9.9%-dən
#FUTBOL

Braziliya mətbuatı keçmiş braziliyalı hücumçunun hansı şəraitdə yaşadığını yazır.

Milli.Az lent.az-a istinadən bildirir ki, Robinyo 2020-ci ildə idmanı tərk edib. Əvvəllər "Real", "Mançester Siti" və "Milan"da çıxış edən braziliyalı hücumçu karyerasını doğma "Santos"da başa vurub.

40 yaşlı futbolçu son vaxtlar qeyri-futbol səbəblərindən xəbərlərdə yer alırdı. Buna səbəb millinin keçmiş üzvünün işi ilə bağlı yekun məhkəmə hökmünün çıxarılmasıdır. Futbolçu 2013-cü ildə Milanda baş verən qrup halında zorlamada iştirakının nəticələrinə görə cəza çəkir.

Lakin bir neçə ay keçmiş hücumçu ekstradisiyaya icazə verməyən Braziliyada olduğu üçün İtaliya ədliyyəsindən cəzadan qurtulub. Martda vəziyyət dəyişib - qərara alınıb ki, keçmiş futbolçu cəzasını vətənində çəkə bilər.

Braziliyalı həbs edilərək Tremembe həbsxanasına aparılıb. Onu ölkənin ən sərt həbsxanalarından biri adlandırırlar. Oradakı məhbusların sayı mövcud yerlərin sayından üç dəfə çoxdur. Qatillər və narkobaronlar cəzalarını orada çəkirlər.

İlk bir neçə həftə ərzində keçmiş futbolçu təcrid və uyğunlaşma dövrü keçirib. Sonra o, səkkiz kvadratmetrlik təkadamlıq kameraya salınıb. Yalnız bir nəfərlik çarpayı, tualet, əlüzyuyan və barmaqlıqlı pəncərəsi var.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.