Cəmiyyət

Ermənilər Qarabağdan oğurladıqları eksponatların sərgisini keçirəcəklər - VİDEO

2 Mart 2021 14:58

Baxış: 1 623

VTB-də minimal faiz dərəcəsi ilə nağd kredit 9.9%-dən

#VİDEO #ERMƏNİSTAN #TƏXRİBAT

30 ilə yaxın işğal altında olan əzəli və tarixi torpaqlarımızı talan edən, tarixi-dini mədəni abidələrimizə qarşı vandalizm aktı törədən ermənilər çirkin əməllərindən əl çəkmir. Bu dəfə onlar Qarabağdan qaçarkən apardıqları eksponatların sərgisini keçirəcəklər.

Milli.Az xezerxeber.az-a istinadən bildirir ki, Ermənistanın Matenadaran Əlyazmalar İnstitutunda Xudavəng, Ağoğlan, Amaras, Gəncəsar və Alban monstırlarından çıxarılan qədim əlyazmalar, kitablar və arxiv sənədləri nümayiş olunacaq.

Mədəni dəyərlərin tədqiqi üzrə ekspert Faiq Süleymanov deyib ki, bu abidələr üzərində olan memarlıq quruluşu onların ermənilərə aid olmadığını sübut edir.

Faiq Süleymanov bildirib ki, belə sərgilərin keçirilməsinin heç bir əsası yoxdur. Çünki bu abidələrin ermənilərə aid olmadığını arxiv sənədləri də sübut edir.

Ekspert qeyd edib ki, ermənilər abidələrin üzərində qanunsuz olaraq müxtəlif dəyişikliklər ediblər. Gəncəsər monastırının ətraf divarları bütünlüklə mərmərlə üzlənib ki, bu da abidələrin bərpasında yolverilməz haldır. Xudavəng monastırının daxili otaqları və giriş qapısı isə öz orijinal formasından məhrum edilib.

Ekspert vurğulayıb ki, bu soyğunçuluq faktları bir daha ermənilərin bu yerlərə gəlmə olduğunu göstərir. Çünki burada yenidən yaşayıb ibadət etməyi düşünən oğurluğa yol verməzdi.

Milli.Az