Cəmiyyət

Dayanacaqdan yola çıxarkən söyülən avtobus sürücüləri - Əslində, qaydaları pozan kimdir?

6 Avqust 2020 11:16

Baxış: 3 416

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Avtomobil sürücüləri daima sərnişin daşıyan şəxslərin sürücülük qabiliyyətindən narazıdırlar. Onlar avtobus sürücülərini hər fürsətdə qınamağa hazırdırlar. Sözsüz ki, bəzi avtobus sürücülərinin məsuliyyətsizliyi buna şərait yaradıb. Amma bəzən avtobus sürücülərinin haqsız yerə qınandığı anlar da olur.

Videoqeydiyyatçı vasitəsi ilə lentə alınıb, sosial şəbəkələrə yüklənən görüntülərə görə sürücülər dayanacaqdan çıxarkən yoluna çıxan avtobus sürücülərini təhqir edirlər. Taksidə gedərkən də bunun dəfələrlə şahidi olmaq mümkündür.

Əslində isə, qayda pozuntusuna yol verən şəxs avtomobil sürücüsünün özüdür. Belə ki, Yol hərəkəti haqqında Azərbaycan Respublikasının Qanununun 48-ci maddəsinin V bəndinə görə, yaşayış məntəqələrində sürücülər işarələnmiş dayanacaqdan hərəkətə başlayan trolleybuslara və avtobuslara yol verməlidirlər.Trolleybus və avtobus sürücüləri yalnız onlara yol verildiyinə əmin olduqdan sonra hərəkətə başlaya bilərlər. Üstün hərəkət rejimli nəqliyyat vasitəsinin sürücüsü yol hərəkətinin qalan iştirakçılarını təhlükə altında qoymamaq şərtilə, bu Qanunun tələblərindən kənara çıxa bilər.

Yaşayış məntəqəsindən kənarda isə sərnişindaşıyan avtobus dayanacaqdan çıxarkən avtomobil sürücülərinə hərəkət üstünlüyü verilir.

Bəxtiyar Umarlı
Milli.Az