Cəmiyyət

Bakı-Sumqayıt qatarında gediş haqqı necə olacaq?

13 May 2015 16:22
0 Şərh     Baxış: 2 858
VTB-də minimal faiz dərəcəsi ilə nağd kredit 10.49%-dən
#AZERBAİJAN #CƏMİYYƏT #YOL
"Azərbaycan Dəmir Yolları" QSC-nin sədri Cavid Qurbanov Azərbaycana yeni gətiriləcək qatarlarda gediş haqqının məbləğinə aydınlıq gətirib.

APA xəbər verir ki, C.Qurbanov yeni qatarlarda qiymətin Tarif Şurası tərəfindən müəyyənləşdiriləcəyini bildirib.

"Biz, yəqin ki, bəzi tariflərdə dəyişiklik edəcəyik. Bilirsiniz ki, sosial və VİP qiymətlər var. Plaskart vaqonlarda gediş haqqı sosial qiymətlərə aiddir və bu qiymətlər əhalinin əksəriyyəti üçün hesablanıb. Plaskart qiymətlərin isə dövlət tərəfindən tənzimlənməsi nəzərdə tutulur. VİP vaqonlarda gediş haqqının isə "Azərbaycan Dəmir Yolları" QSC tərəfindən müəyyənləşdirilməsi nəzərdə tutulur", - deyə C.Qurbanov bildirib.

C.Qurbanov əlavə edib ki, tariflər sərnişinlərin Sumqayıtdan Bakıya gəlmə vaxtı, avtobuslardan istifadə zamanı verilən gediş haqqı nəzərə alınmaqla müəyyənləşəcək və orta, nominal qiymətlər təyin olunacaq.

"Nəzərə alaq ki, bu qatarlar da əvvəlki qatarlar kimi deyil. Bu qatarlarda kondisionerlər, "wi-fi" və yüksək xidmət olacaq. Bundan əlavə, sərnişinlər 40 dəqiqəyə Bakıda, 28 Mayda olacaq. Dəmiryolu nəqliyyatında gediş haqqı digər nəqliyyat vasitələrindən həmişə ucuz olub, bu gün də belədir. Qiymətləri elə tənzimləyəcəyik ki, Bakı-Sumqayıt qatarında gediş haqqı vətəndaşların ziyanına olmayacaq", - deyə C.Qurbanov vurğulayıb.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.