Cəmiyyət

Bakıda unikal cərrahiyyə əməliyyatı keçirildi

22 İyul 2014 20:27
0 Şərh     Baxış: 1 490
VTB-də minimal faiz dərəcəsi ilə nağd kredit 9.9%-dən
#CƏMİYYƏT #SAĞLAMLIQ

İyulun 22-də Silahlı Qüvvələrin Baş Klinik Hospitalının Ürək-damar şöbəsinin rəisi tibb xidməti mayoru Anar Əmrah mətbuat nümayəndələri ilə görüş keçirib.

Trend-in məlumatına görə, Türkiyə Respublikasının Gülhanə Hərbi Tibb Akademiyasının xüsusi təlim və təhsil almış A.Əmrah və 30 nəfərdən ibarət tibb heyəti hospitalımızda təkcə hərbçilərə deyil, ölkənin bütün vətəndaşlarına xidmət göstərir.
 

Ötən ilin oktyabr ayından bu günədək şöbədə 150 açıq ürək əməliyyatı uğurla həyata keçirilib. Belə mürəkkəb ürək əməliyyatları zamanı heç bir itkinin olmaması başlıca uğurdur. Əməliyyat olunanlar içərisində hərbçilər, onların ailə üzvləri və digər mülki şəxslər də var.
 

"Bu yaxınlarda hərbi səhiyyədə nadir rast gəlinən bir hadisə ilə rastlaşdıq. Səngərdə ümumi yuxu arteriyasının tam qopması ilə zədələnən bir əsgər hərbi ambulans - helikopterlə hospitala çatdırılmışdı. Uğurlu əməliyyatla beyinə gedən yuxu arteriyası əsgərin öz venası ilə əvəz edilərək bərpa olundu. Əməliyyatdan 1 ay sonra hərbi qulluqçu sağ-salamat evlərinə göndərildi", - deyə mayor A.Əmrah vurğulayıb.
 

Damar xəstəliklərinin ən ağır fəsadlarından biri sayılan ağciyərin tromboemboliyasının müalicəsi üçün ABŞ-da həyata keçirilən müasir üsul Azərbaycanda ilk dəfə iyulun 20-də Silahlı Qüvvələrin Baş Klinik Hospitalının Ürək-damar şöbəsində tətbiq edilərək sağ ağciyər tromboemboliyası əməliyyatı aparılıb. 59 yaşlı xəstənin ağciyər arteriyasına xüsusi kateter yerləşdirilərək, ultrasəs dalğaları və trombolitik dərmanlarla 15 saat ərzində trombun 95 faizi əridilib və nəticədə xəstənin tənəffüsü bərpa edilib. Eyni zamanda gələcəkdə aşağı ətrafdan ağciyərə trombun getməsinin qarşısını almaq məqsədilə aşağı boş venaya xüsusi filtr yerləşdirilərək əməliyyat uğurla həyata keçirilib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.