Cəmiyyət

Oruc immun sistemini gücləndirir

5 İyul 2014 10:31
0 Şərh     Baxış: 973
VTB-də minimal faiz dərəcəsi ilə nağd kredit 9.9%-dən
#DİN

Ürək-damar, xərçəng kimi xəstəliklərə qarşı müqavimət artır

Oruc tutmaq həzm sistemini istrahət etdirdiyi üçün bədəndə digər orqanların yaxşı işləməsini təmin edir, bundan əlavə, qan dövranı yaxşılaşır.

İftarda, imsaqda yediklərinizə diqqət edirsinizmi?

Anspress-in məlumatına görə, araşdırmaçılar bildirirlər ki, bəslənmənizə diqqət etsəniz, oruc tutarkən immunitet sisteminizi gücləndirə bilərsiniz. Oruc tutarkən qaraciyər və bütün həzm sistemi istirahət imkanı əldə edir. Bədəndə digər orqanların qanlanması və iş səmərəsi artır. Şəkər xəstələrində qan şəkəri idarəsi, təzyiq xəstələrində qan təzyiqi kontrolu yüngülləşir. Qanda yağ səviyyələri düşür, faydalı xolesterol yüksəlir. Bədəndə qan istehsalı artır. Bədən yığılmış zərərli maddələrdən təmizlənir, immunitet sistemi güclənir. Ürək-damar, xərçəng kimi xəstəliklərə qarşı müqavimət artır.

Lakin orucun xeyri bəzi digər qaydalara da riayət olunarsa daha effektli olar. Məsələn, süfrədən doymadan qalxın. Oruc müddətində sağlam və balanslı bəslənmək çox əhəmiyyətlidir. Buna baxmayaraq məsələni şişirtmədən, gündəlik ehtiyac olan zülal, yağ, karbohidrat, vitamin və minerallar aldıqdan sonra israfa getməyin. İftar və imsaqda yavaş-yavaş və az miqdarda yeyin, yeməkləri yaxşı çeynəyin və süfrədən doymadan qalxın.

İftar və imsaq arasında 2 litr maye qəbul edin. Bu, su, ayran və hətta kompot da ola bilər. İmsaqda mədədən gec boşalaraq uzun müddət tox tutacaq, zülal və lif zənginli qidalar alın. Süd, qatıq, pendir, yumurta, xurma, çörəkotu, qoz, badam, fındıq, quru paxlalılar, taxıl, çörək və düyü kimi...

Maddələr mübadiləsini yavaşladaraq kilo almağa da səbəb olan çox yağlı və xəmir yeməklərdən, ağır şirnilərdən, qızardılmış, ədviyyatı və duzu bol qidalardan uzaq dayanmanızda fayda var.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.