Cəmiyyət

Gəncənin 36 orta ümumtəhsil məktəbi əsaslı təmir olunur

2 Avqust 2013 18:43
0 Şərh     Baxış: 444
VTB-də minimal faiz dərəcəsi ilə nağd kredit 9.9%-dən
Milli.Az Kəpəz TV-yə istinadən xəbər verir ki, Gəncənin ümumtəhsil müəssisələrinin əsaslı şəkildə təmir olunması istiqamətində işlər davam etdirilir. Hazırda şəhərin 36 orta məktəbində təmir-bərpa işləri aparılıb. Bu məktəblərdən 9-u ötən il tam şəkildə yenidən qurularaq şagird və müəllimlərin istifadəsinə verilib. 2013-2014-cü tədris ilinin başlanmasına kimi isə hazırda cari və əsaslı şəkildə təmiri aparılan 27 orta təhsil ocağında işlərin yekunlaşdırılması nəzərdə tutulur.

Bu barədə məlumat verən Gəncə şəhər Təhsil İdarəsinin müdiri Zakir Hüseynov bildirib ki, ehtiyac duyulan məktəblərdə əlavə tədris korpusları da inşa edilir. Xatırladaq ki, şəhərin uşaq bağçaları və körpələr evlərində də analoji işlər həyata keçirilir.

Zakir Hüseynov: "3 nömrəli körpələr evi uşaq bağçası əsaslı təmir olunaraq uşaqların istifadəsinə verilib. 2 nömrəli uşaq bağçası hal-hazırda təmir olunur, yaxın günlərdə işlər başa çatacaq. Əsaslı və cari təmir işləri bütün bağçalarda aparılır və bu sahədə ciddi irəliləyişlər var".

Zakir Hüseynov şəhərin 4 peşə məktəbində də əsaslı təmir işlərinin aparıldığını qeyd edib. Bununla yanaşı, tələbə sıxlığı yaşanan 2 saylı texniki peşə məktəbi üçün əlavə korpusların tikintisi aparılır. İdarə müdiri şəhərin bütün təhsil müəssisələrində görülən işlərin tədrisə müsbət təsir göstərdiyini də açıqlayıb. Qeyd edək ki, Gəncədə 45 orta
ümumtəhsil müəssisəsi fəaliyyət göstərir.

Xatırladaq ki, Gəncənin orta ümumtəhsil müəssisələri ilə yanaşı, şəhərin internat və sanatoriya tipli gimnaziyalarının da əsaslı şəkildə yenidən qurulmasına start verilib.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.