Günün qoroskopu: Gənc və gözəl

Qoç - Xoş olmayan xəbərlər sizi təbdən çıxaracaq, əhvalın dəyişməsinə səbəb olacaq. Bu xəbərlərin səhhətinizə təsir etməsinə imkan verməyin. Nə baş verməsindən asılı olmayaraq ruhdan düşməyin.
Ən mühüm işlərdə problemlər yaranmayacaq. Kiçik işlərdəki səhvlər isə sizi sinirləndirə bilər.
Ailə üzvləri və ya sizə yaxın insanlarla birlikdə dincəlmək istəyi baş tutmayacaq.
Münasibətlərdə diqqətli və həssas olun. Ənənələri və mövcud davranış modellərini pozmayın.
Bəlli normalara riayət etsəniz, münasibətlərdə problemlərin yaranmasının qarşısını ala bilərsiniz.

Buğa - Səhər saatlarından etibarən problemlərin məngənəsinə düşərək vurnuxmayın. Günün axarı sizdən asılıdır. Dəqiq planın olmasına çalışın. Enerji potensialı səviyyəsinin yüksək olmadığını unutmayın.
Günün ikinci yarısında elə işləyin ki, istirahət etməyə də vaxt qalsın.
Mühüm qərarların qəbulunu təxirə salın. Uzaq qohumlar və ya yaxşı tanımadığınız insanlarla uzun-uzadı danışmağa,  sirr etibar etməyə dəyməz.
Hər təsadüfi tanışlıq və ya görüşü taleyüklü məqam saymayın.  Şərtlər nə qədər romantik olsa da, belə münasibətlərin sonucu pis olacaq.

Əkizlər - Bu gün sizdən tələb olunan əsas məsələ əvvəllər başladığınız işləri başa vurmaq və münaqişəli situasiyalara son qoymaqdır.
Çoxdan unutduğunuz hesabları ödəyin, vaxtilə sizə xidmət göstərmiş və ya kömək etmiş insanın layiq olduğu mükafatını verin.
Tək işləmək, işi tənha başa vurmaq asan deyil. Buna görə də həmkarlarınız və ya həmfikirləriniz, dostlarınız arasında sizə yardım etməyə hazır insanı tapın.
Xoşagəlməz sürprizlərə sakit yanaşın, tövrünüzü pozmayın.
Yumor hissi münaqişədə iştirakdan qorunmağa kömək edəcək.

Xərçəng - Yeni təcrübə əldə etməyə çalışın, nailiyyətlər və qazanılan təcrübə ilə kifayətlənməyin.
Sağlam şübhə və məntiq sizin hesabınıza irəliləməyə çalışan insanların qurduqları tələlərə düşməməyə imkan verəcək. Emosional davranmaqla, çılğınlıq etməklə bədxahlarınızı sevindirməyin.
Taleyə və ya bəxtə güvənməyin, öz qüvvələrinizdən yararlanın və bu minvalla da uğur qazanın.
Hadisələrin ənənəvi axarı dəyişir. Sadəlövh olmayın və başqa zamanlar sizi ehtiyatlı davranmağa vadar edəcək faktlarla hadisələri öz xeyrinizə yozmayın.
Qərar qəbul etməyə tələsməyin. Az sonra baş verənləri yenidən dəyərləndirəcəyiniz vaxt başlayacaq.

Şir - Səfərdə, yolda, ezamiyyətdə, səyahətdə ehtiyatlı olun. Problemlər yarana bilər.
İstənilən işə başlamazdan öncə əvvəlki işi tam başa vurduğunuza əmin orlun.
Əks təqdirdə fikriniz dağılacaq, mühüm işi diqqət mərkəzində saxlaya bilməyəcəksiniz.
Peşəkar fəaliyyət sahəsində rəhbərliyin sizə münasibətinin dəyişməməsi üçün normal çalışın. Qəfil kadr dəyişiklikləri varsa, səbirli və soyuqqanlı olun.
Gün ərzində yaşanacaq bəzi hadisələr sizi iş yerini dəyişməklə bağlı fikirlərə sövq edə bilər.
Lakin qərar verməyə tələsməyin. Yüz ölçün, bir biçin.

Qız - Gün yeni perspektivlər vəd edir. Aktiv, enerjili olun, qarşınıza qoyduğunuz məqsədə çatmaq üçün bütün sədləri dəf edin. İş və ya uzunmüddətli əməkdaşlıqla bağlı təklif ala bilərsiniz. Köhnə dostlarla görüş və ya yeni, maraqlı tanışlıq istisna deyil.
Güc və potensialınız çox olsa da, dostlarla hamilərin yardım təkliflərindən imtina etməyin. Onların yardımı günün ikinci yarısında, sizi sinirləndirəcək xəbər alanda karınıza gələ bilər.
Unutmayın ki, emosiyalarınıza hakim olaraq hisslərinizi ətrafınızdakı insanlardan gizlətmək gərəkdir. Belədə yaranmış situasiyada necə davranmaq lazım olduğunu biləcəksiniz.

Tərəzi - Ruhi tarazlığı qorumaq, emosiyalara hakim olmaq çətindir. Planlarınız və gözləntiləriniz mövcud durumdan xeyli fərqlənir.
Son vaxtlar illüziyalara qapılaraq reallıqdan uzaq düşümüşdünüz. İndi baş verən prosesləri dürüst qiymətləndirmək vaxtıdır. Arzu və xəyallarla vidalaşın. Gerçəyi özünüzlə yanaşı, ətrafınızdakı insanlardan da gizlətmək çətindir.
Sakit və aramla hərəkət edin. Səbrlə, təmkinlə çalışın. Ətrafınızdakı şəxslərlə ünsiyyətdə nəzakətli olun.
Təlaş və əsaslı narahatlıq hiss etsəniz belə, elə davranın ki, sanki bütün hadisələr nəzarətiniz altındadır.
Təlaşlandığınızı əsla büruzə verməyin.

Əqrəb - Niyyət və istəkləriniz fərqli, çoxsaylıdır. Planlardan birinin reallaşmasına çox az qalanda şərtlər qəflətən dəyişir və işlərin məcrası başqa istiqamətə yönəlir.
Ümidləriniz genişmiqyasıl olmazsa, pərişanlıq hissiniz o qədər az olacaq.
Ciddi görüş və ya tədbirə hazırlaşırsınızsa, xırda detallara və əhəmiyyətsiz təfərrüatlara həddən ziyadə əhəmiyyət verməyin. Yaşananlara ironiya ilə yanaşın.
Hissləriniz səmimi ola bilər. Amma sadəlövh olmayın, hər deyilənə inanmayın. Ciddi olun, çünki kiçik aləminizdən çıxıb gerçəkləri görmək zamanıdır.

Oxatan - Sizi gərgin gün gözləyir. Kiçik problemlərin sayı çox olacaq. Özünüzü uğursuz, bacarıqsız insan hesab etməyin. Yaxşı nəticələr əldə etməyi xroniki şəkildə bacarmayan şəxs olduğunuzu əsla düşünməyin.
İşdəki problemlər, həmkarlarınızla mübahisə şəxsi həyatınıza sirayət etməsin.
Unutmayın ki, bu gün rəqib və ya bədxahla açıq qarşıdurmaya getməyə dəyməz. Dözümlü olun, sərfəli məqamı seçin və sarsıdıcı zərbə endirin.
Axşam saatlarını ailənizdə keçirin.

Oğlaq - Gün uğurlu, əlverişli deyil. Amma şikayətlənməyin, çünki problemləri həll etmək üçün bütün imkanlarınız var.
Məqsədi dürüst müəyyənləşdirsəniz, çətinlikləri dəf edəcəksiniz.
İşdə hiperfəal olmayın, şəxsi həyatda köklü dəyişikliklər etməyə can atmayın.
Əşyalarınız və əmlakınızla ehtiyatlı olun. İtiriləni geri qaytarmaq, sınanı təmir etmək asan olmayacaq.
Axşam saaatlarındakı yeni tanışlıq yaşamınızda mənfi rol oynaya bilər.

Dolça - Birmənalı olmayan gündür. Hadisələr ciddi narahatlıq və nigaranlığa səbəb ola bilər. Hər hadisədə yaxşı məziyyətlər görmək istəsəniz də, niyyətləriniz puç olacaq.
Həyat düşündüyünüzdən də fərqli və rəngarəngdir. Yaşam arealının, fəaliyyət məkanının dəyişməsi faydalıdır.
Bədbinliyə qapılmayın.
Yeni tanışlıqlara ifrat dərəcədə can atmayın. Ciddi münasibətlərə yararsız insana layiq olmadığı dəyəri verməyin.
Əvvəllər etdiyiniz səhvləri təkrarlamayın, topladığınız təcrübədən bəhrələnin.
Axşam saatlarında ehtiyatlı olun, səhhətinizə fikir verin.

Balıqlar - Mühüm qərar zamanıdır. Ətrafınızda məsləhət verənlər çoxdur. Onlardan hansı birinə qulaq asacağınızı bilmirsiniz. Diqqətli olun, çünki bədxahlar sayıqdır və onlar əllərinə girəvə düşən kimi sizə ağır zərbə vurmaq istəyirlər.
İntuisiya sizə dumanlı nişanələr verir. Çaş-baş qalmayın, hərəkət edin, aktiv olun. Yüz ölçüb, bir biçin və minimum itki vəd edən variantı seçin.
Səhər saatlarında "yoxa çıxan, qeyb olan" əşya günün ikinci yarısında tapılacaq.
Şəxsi münasibətlərdə də analoji təmayüllər yaşanır.
Sizi tərk edən insan az sonra səhv etdiyini, aldandığını anlayacaq və yanınıza qayıtmaq istəyəcək.

Milli.Az