Cəmiyyət

Tələbələrə ŞAD XƏBƏR: Avtobuslarda GÜZƏŞT OLACAQ

21 Yanvar 2025 11:21
Baxış: 2 662
VTB-də minimal faiz dərəcəsi ilə nağd kredit 9.9%-dən
#CƏMİYYƏT #TƏLƏBƏ #İCTİMAİ NƏQLİYYAT

Bir neçə ay əvvəl "TələbəPlus" kartları tələbələrin istifadəsinə verilib.

Milli.Az xəbər verir ki, bu kartlar universitetə giriş və çıxışı təmin etməklə yanaşı debet bank kartı və tələbələrin təqaüd kartı kimi də yararlıdır.

Əsas üstünlüyü imtiyaz və endirimlər təqdim etməsidir. Amma tələbələr bu fürsətin ictimai nəqliyyatda da rol oynamasını istəyirlər.

Onlar bildiriblər ki, yol xərcləri kifayət qədər çoxdur.

Təhsil üzrə mütəxəssislər isə düşünürlər ki, bir çox Avropa ölkələrinin təcrübəsində özünü doğruldan "nəqliyyatda tələbələrə güzəştlər"in ölkəmizdə də həyata keçirilməsi yaxşı olardı.

Məsələ ilə bağlı Azərbaycan Yerüstü Nəqliyyat Agentliyindən (AYNA) bildirilib ki, müxtəlif əhali qruplarından olan şəxslərə ictimai nəqliyyatda güzəştli gediş haqlarının tətbiqi üçün xüsusi infrastruktur qurulmalı, nağdsız ödənişlərə keçid tam təmin edilməlidir. Yalnız bundan sonra sözügedən güzəştlər tətbiq oluna bilər.

Təhsilin İnkişaf Fondundan isə bildirildi ki, bu təkliflə bağlı müvafiq qurumlarla danışıqlar aparılır. Güzəştlərə daha çox tərəfdaşın qoşulması üçün yerli və beynəlxalq şirkətlərlə görüşlər keçirilir.

Asya
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.