Cəmiyyət

Sosialdakı asosiallar: bu bəlaya nə qədər dözəcəyik?

2 Avqust 2022 10:44
2 Şərh     Baxış: 1 062

Sosial şəbəkələrin gündəlik həyatımızın vacib və ayrılmaz elementinə çevrildiyi faktdır. Və bu gün həyatımızı sosial şəbəkələrsiz təsəvvür etmək sözün əsl mənasında bir qədər çətin görünür. Təəssüflər olsun ki, bununla yanaşı, sosial media infomasiya mənbəyi ilə yanaşı, şərəf və ləyaqətin alçaldılması, təhqir və böhtanın bir növ məkanına çevrilib. Heç bir məsuliyyət hiss etmədən insanların şəxsi həyatına müdaxilə edilir, yalan və böhtan dolu xəbərlər tirajlanır. Və maraqlısı odur ki, bu həyəcan təbilini artıq demokratiyanın beşiyi hesab edilən Qərb ölkələrində də başa düşməyə başlayıblar.

Ortada da artıq xeyli nümunə və faktlar da var. Məsələn, Avropa gündəmi nasist simvollarını sosial şəbəkələrdə təbliğ edən müharibə veteranı Darren Bredi həbsi xəbərləri ilə dolub. Britaniya polisi kollektiv şikayət əsasında sosial şəbəkələrdə nasist təbliğatı aparan şəxsi cəzalandırıb. Britaniya mətbuatının yazdığına görə, 51 yaşlı Alderşot sakini nasist svastikası formasında LGBT simvolu sayılan Progress Pride bayrağının şəklini retvit etdiyinə görə saxlanılıb.

Azərbaycanda is bu istiqamətdə müəyyən profilaktik addımlar atılanda bir qədər aqressiya ilə qarşılanır. Necə olur ki, demokratiyanın beşiyi hesab edilən Britaniyada belə tip təbliğat aparan şəxslər həbs ediləndə heç kim hay-küy qaldırmır. Amma Azərbaycanda qəsdən, əksər hallarda ölkənin təhlükəsizliyi ilə bağlı şər-böhtan xarakterli şayiələr yayan şəxs prokurorluğa çağırılanda dərhal yerli "hüquq müdafiəçiləri" peyda olur və "söz azadlığının məhdudlaşdırılması", "hüquq müdafiəsi" ilə bağlı qışqırmağa başlayırlar. Məsələn, ötən həftə internetdə Azərbaycan ordusu hissələrinin hərəkətini əks etdirən görüntüləri "Yeni müharibə başlayır" başlığı ilə yerləşdirən bir neçə istifadəçi Baş Prokurorluğa çağırılaraq xəbərdarlıq edilib.

Belə olan halda dövlət qurumlarının reaksiyası yüz faiz adekvatdır, çünki belə xəbərlər, birincisi, cəmiyyətdə lüzumsuz təşviş yaradır, ikincisi, dövlətin təhlükəsizliyinə və müdafiəsinə xələl gətirən informasiya sızmasıdır. Hər bir aktiv sosial şəbəkə istifadəçisi anlamalıdır ki, burada hər hansı bir təzyiq və yaxud hüquq pozuntusndan söhbət gedə bilməz. Sivil ölkələrin hər biri belə bir addım atır və bu da normal qarşılanmalıdır.

Kamran Seyidov
Milli.Az

13,99%-dən 40 000 AZN-dək zaminsiz, komissiyasız KREDİT

Şərh yaz:

2 Şərh:

  • Anonim
    asi · 2 Avqust 11:5710

    Gör nə zəmanəyə gəlib çıxdıq..Min illik tarixi olan dövləti lgtb üzvləri qarşısında çəkilməyə məcbur edilməsi az imiş kimi, bir də s.şəbəkələrdəki ağzıbaşınalar qarşısında susmağını istəyirlər..

    Cavab yaz
  • Anonim
    castel · 3 Avqust 10:3500

    Düz deyirlər, bütün LGBT, pozgunlarını buraxın. Görəcəksəniz, 1 nəsildən sonra bəndələrini göstərəcək, kişi kişiylə evlənmək və ya qadın-qadın arasında münasibət qurmaq onsuzda gəriadiləşip. Toylarına icazə vərin tam olsun.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics