Bu gün Türk dünyasının ustad sənətkarı Aşıq Ədalətin xatirə günüdür. Sabah ustadın qəbirüstə abidəsinin açılış mərasimi olacaq.
Milli.Az yenicag.az-a açıqlama verən aşığın oğlu Hekayət Nəsibov atasını xatırlayaraq kövrəlib:
"Atam həmişə deyirdi ki, məzarım sadə olsun, üstünə bir kəlmə adımı yazın. Aşıq Ədalət böyük ustaddır, təkcə mənim deyil, bir elin-obanın dədəsidir, sənətkarıdır. Biz onun vəsiyyətinə əməl etdik. Eyni zamanda, bu misraları da həkk etdirdik:
Ötəcək əsrlər, keçəcək illər,
Bu sənət sönməyən şan-şöhrətimdir.
Bir zaman deyəcək səndən nəsillər,
Gördüyün qara saz Ədalətindir!
Atımın məzar daşının hazırlanmasında əməyi keçən insanlara - Qazax rayon icra başçısı və Qazax İctimai Birliyinə təşəkkürümü bildirirəm.."
Qəbirüstü abidənin foto və videosunu təqdim edirik:
Milli.Az