Şou-biznes

"Nadir Qafarzadə utanaraq yanıma gəldi..."

7 İyun 2026 15:59

Baxış: 3 093

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #MÜĞƏNNİ #ƏMƏKDAR ARTİST

Əməkdar artist Elza Seyidcahan maraqlı xatirəsini bölüşərək müzakirələrə səbəb olub.

Milli.Az-ın məlumatına görə, sənətçi bildirib ki, illər əvvəl yay tətili zamanı çalışdığı dövrdə Nadir Qafarzadə ilə tanış olub. Onun sözlərinə görə, həmin vaxt bir müəssisə rəhbəri ona istedadlı, lakin çox utancaq bir gəncin olduğunu deyərək səsini yoxlamasını xahiş edib.

Elza Seyidcahan qeyd edib ki, Nadir Qafarzadə ilk görüşdə həyəcanlı olsa da, ifası ilə diqqət çəkib. Müğənni daha sonra onun musiqi sahəsində inkişaf etməsi üçün tanınmış sənət adamları ilə görüşməsinə kömək etdiyini söyləyib.

Əməkdar artistin sözlərinə görə, Nadir Qafarzadə sonradan müxtəlif müsabiqələrdə iştirak edib, addım-addım irəliləyərək öz zəhməti hesabına tanınmış sənətçilərdən birinə çevrilib.

Elza Seyidcahan Nadir Qafarzadənin uğurlarının arxasında böyük əziyyət və zəhmətin dayandığını vurğulayaraq, onu peşəkar sənətkar kimi dəyərləndirdiyini bildirib:

"Yay tətili idi, Biləcəridə qalırdım. Konservatoriyadan tətilə çıxmışdıq. Elza adlı direktorumuz var idi. Dedi ki, müəllimim tətilə çıxıb, 2 ay məzuniyyətdə olacaq, gəl burada çalış. Həmin aylarda mən Nadir Qafarzadə ilə tanış oldum. Direktor mənə dedi ki, bir oğlan var, bizim bağça sferasında çalışır. Yaxşı səsi var, amma utanır, sən onun səsini yoxla. Nadir utanaraq gəldi. Mən "Üzüyümün qaşı" mahnısını ifa etdim, o da oxudu. Daha sonra onu Arif Məlikovun yanına apardım. O, Nadiri dinlədi. Sonra Şəfiqə Axundovanın yanına apardım. Nadir də yarışlara qatıldı, pillə-pillə irəlilədi və öz zəhməti ilə böyük bir sənətkar oldu".

Bu açıqlama sosial şəbəkələrdə maraqla qarşılanıb və sənətsevərlər arasında geniş müzakirələrə səbəb olub.

Musa
Milli.Az