Şou-biznes

Xalq artisti məşhur türk aparıcıya "ƏSƏBİLƏŞDİ" - VİDEO

10 Mart 2026 13:20

Baxış: 11 977

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #VİDEO #MƏŞHURLAR #MÜĞƏNNİ #XALQ ARTİSTİ #ŞOU #APARICI

Azərbaycanın xalq artisti Azərin Türkiyənin məşhur aparıcısı Okan Bayülgenin verilişində diqqət çəkən açıqlama ilə gündəmə gəlib.

Milli.Az xəbər verir ki, müğənni aparıcının sualına emosional reaksiya verərək "Azəri dili" ifadəsinin işlədilməsinə etiraz edib.

Yayılan videoda görünür ki, bu məqamda isə Azərin aparıcının sözünü kəsərək məsələyə münasibət bildirib.

Müğənni qeyd edib ki, Azərbaycan dilinin "azəri dili" kimi təqdim olunması doğru deyil və buna görə etirazını bildirib. O, tarixə istinad edərək fikrini belə əsaslandırıb:

"1918-ci ildə ilk müstəqillik dövrümüzdə qəbul olunan qanunda rəsmi dilin türk dili olduğu qeyd olunub. Ona görə də 'azəri dili' ifadəsi düzgün deyil".

Xalq artisti əlavə edib ki, Azərbaycan və türk xalqları eyni kökdən gələn dillərdə danışır və bu məsələyə həssas yanaşmaq lazımdır.

Sözügedən görüntülər qısa müddətdə sosial şəbəkələrdə geniş yayılıb və istifadəçilər arasında müzakirələrə səbəb olub.

Tam təfərrüat və müğənninin mövzu ilə bağlı daha geniş izahı videoda:

Musa
Milli.Az