Şou-biznes

Tolikdən yayılan iddialara CAVAB

26 Fevral 2026 17:10
Baxış: 3 685
VTB-də minimal faiz dərəcəsi ilə nağd kredit 9.9%-dən
#QALMAQAL #APARICI

Prodüser-aparıcı Tarix Əliyev (Tolik) haqqında son günlər mediada və sosial şəbəkələrdə müxtəlif məlumatlar yayılıb.

Milli.Az xəbər verir ki, iddialara görə, onun aparıcısı olduğu veriliş bağlana bilər, eyni zamanda Space TV-də musiqi departamentinin rəhbəri vəzifəsinə təyin olunacağı bildirilirdi.

Tarix Əliyev səsləndirilən xəbərlərə sərt reaksiya verib. O, açıqlamasında dəqiqləşdirilməmiş informasiyaların tirajlanmasından narazı qaldığını vurğulayıb.

Aparıcı media nümayəndələrinə müraciət edərək bildirib ki, onunla bağlı məlumat yayarkən qeyri-rəsmi və etibarsız mənbələrə istinad edilməməlidir. O, xüsusilə sosial şəbəkə səhifələrinin rəsmi mənbə kimi təqdim olunmasına etiraz edib və təsdiqlənməmiş xəbərlərin yayılmasının ona əlavə narahatlıq yaratdığını qeyd edib.

Hazırda Tarix Əliyevin verilişinin taleyi və yeni vəzifəyə mümkün təyinatı ilə bağlı rəsmi təsdiq yoxdur. Məsələ ilə bağlı yekun qərarın yaxın günlərdə açıqlanacağı gözlənilir.

Musa
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.