Şou-biznes

Teylor Sviftin konsertləri ləğv edildi

9 Avqust 2024 06:06
Baxış: 635
VTB-də minimal faiz dərəcəsi ilə nağd kredit 10.49%-dən

Terror təhlükəsi səbəbindən Teylor Sviftin Vyanada 8-10 avqust tarixlərində keçirilməsi planlaşdırılan üç konserti ləğv edilib.

Milli.Az oxu.az-a istinadən bildirir ki, bu barədə tədbir təşkilatçıları xəbər veriblər.

"Rəsmi şəxslərin "Ernst Happel" stadionunda planlaşdırılan terror aktı barədə məlumatı təsdiqləməsi ilə əlaqədar olaraq, planlaşdırılan üç konserti ümumi təhlükəsizlik naminə ləğv etməkdən başqa çarəmiz qalmadı", - deyə açıqlamada deyilir.

Bildirilir ki, Avstriya polisi artıq terror aktı planlaşdıran iki nəfəri saxlayıb. Saxlanılanlardan birinin 19 yaşı var və ondan kimyəvi maddələr götürülüb.

Polis hesab edir ki, saxlanılanların hədəfi Sviftin konsertləri də daxil olmaqla, çoxlu insanın toplaşdığı tədbirlər ola bilərdi.

Qeyd edək ki, Teylor Svift hazırda dünyanın ən məşhur müğənnilərindən biridir. O, indiyədək 11 "Grammy" mükafatı qazanıb və 200 milyondan çox albom satıb.

Milli.Az

Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.