Sağlam qida

Yatmazdan əvvəl bu qidaları yeyin

5 Dekabr 2025 05:05
Baxış: 5 500
VTB-də minimal faiz dərəcəsi ilə nağd kredit 9.9%-dən
#SAĞLAM QİDA

Yatmazdan əvvəl yağsız zülal, çobanyastığı çayı və qoz-fındıq qəbul etmək kortizol səviyyəsini aşağı salır, yuxunu yaxşılaşdırır və çəkinin azalmasını sürətləndirir.

Milli.Az xəbər verir ki, bu barədə Tulane Universitetinin İctimai Səhiyyə və Tropik Tibb Məktəbinin diyetoloqu Sakar Berdjis açıqlama verib.

Mütəxəssisin sözlərinə görə, gecə yatmazdan əvvəl az miqdarda toyuq və ya hinduşka yemək qlükozanın səviyyəsini stabil saxlayır və melatoninin sintezini stimullaşdırır. Melatonin sutkalıq ritmləri tənzimləyən, orqanizmi yuxuya hazırlayan hormon kimi tanınır.

Yuxu keyfiyyətinin artması isə kortizolun yağların enerji mənbəyi kimi istifadə olunmasını çətinləşdirən stress hormonunun normallaşmasına səbəb olur.

Berdjis bildirib ki, yunan qatığı, kəsmik və rikotta kimi süd məhsulları amin turşularını tədricən buraxaraq gecə bərpa proseslərini dəstəkləyir.

"Kivi və çobanyastığı çayı da daxil olmaqla bitki çayları rahatlamanı artırır və yuxuya getməyi asanlaşdırır. Badam və qoz isə tərkibindəki yüksək maqnezium hesabına hüceyrələrin regenerasiyasına və gecə qlükozanın tənzimlənməsinə kömək edir", - deyə o əlavə edib.

Diyetoloq qeyd edib ki, bu kimi məhsulların yatmazdan əvvəl birlikdə qəbulu metabolik bərpa üçün daha əlverişli şərait yaradır və bədən çəkisinin idarə olunmasını asanlaşdırır.

Mina Mikayılova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.