Siyasət

Vardanyan Nobel mükafatına layiqli namizəd deyil - Amerikalı jurnalist

2 May 2024 18:40

Baxış: 693

#ERMƏNİ

Ruben Vardanyanın gəlirlərinin mənbəyi onun Nobel mükafatına layiqli namizəd olduğundan xəbər vermir.

Milli.Az Trend-ə istinadən xəbər verir ki, bu barədə amerikalı jurnalist Martin Şermanın "Newsmax" nəşrində dərc olunan məqaləsində deyilir.

"Onun mülayim şəkildə desək "dəbdəbəli" olaraq səciyyələndirilə biləcək bioqrafiyasına şübhəsiz, "qaranlıq" olan mühüm fraqmentlər daxildir. Vardanyanın gəlirlərinin mənbəyinə dair təəccüb doğuran məlumatlar ortaya çıxmağa başlayıb ki, bu da Nobel mükafatına layiqli namizəd haqqında ehtimal edilə biləcək məlumatlara ziddir", - deyə müəllif yazır.

Jurnalist həmçinin, Mütəşəkkil Cinayətkarlıq və Korrupsiya Hesabatı Layihəsi (OCCRP) tərəfindən dərc olunan hesabata istinad edir. Hesabatda qeyd olunur ki, Vardanyanın maliyyə təşkilatı ehtimalla bu cür "şübhəli" maliyyə fəaliyyəti üçün mərkəz qismində onun offşor şirkətlər şəbəkəsindən və erməni təmaslarından istifadə edərək milyardlarla dolların "yuyulması" sxeminin mərkəzində yer alıb.

Müəllif Vardanyanın 2022-ci ildə Qarabağa köçərək özünü erməni separatçıların "başçısı" elan etdiyini xatırladıb.

"Azərbaycanla sülhün əldə olunmasına imkan yaratmaq əvəzinə, Vardanyanın hərəkətləri yalnız "regionda nifaq və düşmənçilik alovunu alovlandırmaq" kimi təsvir olunur ki, bu da Nobel Sülh Mükafatının potensial laureatı üçün bir qədər yersizdir", - deyə müəllif qeyd edir.

Məqalədə həmçinin, Vardanyanın terrorizmin maliyyələşdirilməsi və digər cinayətlərlə bağlı ittihamlar üzrə hazırda Bakıda həbsdə olduğu vurğulanır.

Milli.Az
Xəbərlərimizi WhatsApp kanalımızdan da oxuyun