Siyasət

Separatçılar silahları mülki zavodda gizlədiblər - VİDEOFAKT

29 Sentyabr 2023 11:50

Baxış: 1 552

Qarabağ bölgəsində uzun müddət zavod kimi fəaliyyət göstərən tərk edilmiş bir neçə obyektrə baxış keçirilib.

Müdafiə Nazirliyindən Milli.Az-a verilən məlumata görə, baxış zamanı mülki təyinatlı zavodların ərazisində, eləcə də saxlanclarında külli miqdarda döyüş texnikası, müxtəlif təyinatlı atıcı silahlar, minaatan mərmiləri ilə dolu yeşiklər və digər döyüş vasitələri aşkar edilib.
Qeyd edilib ki, Silahlı Qüvvələrimiz tərəfindən həyata keçirilən lokal xarakterli anti-terror tədbirlərindən sonra Qarabağ bölgəsində bir neçə mülki təyinatlı obyektlərin uzun müddət hərbi məqsədlər üçün istifadə edilməsi müəyyən edilib.

Milli.Az