Siyasət

Rusiyalı deputatın Kiyevdə 11 mənzili varmış

13 Dekabr 2022 22:17
Baxış: 755

Ukrayna polisi Rusiya Federasiyası Dövlət Dumasının deputatının Kiyevdə 11 mənzili olduğunu aşkar edib.

Milli.Az musavat.com-a istinadən bildirir ki, həmin mənzillərdə dərhal axtarış aparılıb.

Deputatın adı çəkilmir. Lakin onun Mariupolda doğulduğu, 1968-ci il təvəllüdlü olduğu və "xüsusi əməliyyatda" iştirak etdiyi bildirilir.

Mətbuat bütün bu nişanələrə uyğun gələn şəxsin Rusiyanın hakim "Vahid Rusiya" partiyasından Dövlət Dumasının deputatı Dmitri Sablin olduğunu tapmağa çətinlik çəkməyib.

2013-cü ilin avqustunda şəhərin inkişafına verdiyi fəal töhfəyə görə Sablin "Mariupolun fəxri vətəndaşı" adını alıb. 2014-cü ildə Ukrayna əleyhinə siyasətə görə həmin addan məhrum olub.

Rusiyanın hökumətyönlü mediasının iddiasına görə, Sablin "xüsusi əməliyyatda" yer alıb (Ukraynaya qarşı təcavzükar işğalçı müharibədə-red.) və Rusiya Federasiyası Dövlət Dumasının deputatlarının xidmət etdiyi iddia edilən "gizli Kaskad" bölməsinə rəhbərlik edir. Bu ilin dekabrında Putin Sablini ordenlə təltif edib.

Milli.Az

 

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.