"Xəzər-Lənkəran" Moskvada rəqiblərinə aman vermir - FOTO
Milli.Az xəbər verir ki, rəqiblərin qapısına 9 qol keçirən "XL" öz qapısından bircə top belə buraxmayıb.
"XL" sonuncu "qurbanı" "Projiqatel" komandası olub. Oyun "XL"in 2:0 hesablı qələbəsi ilə yekunlaşıb.
Bundan əvvəl "XL" "İsfana"ı 5:0, ""Nord-East United"i isə 2:0 hesabları ilə məğlub edib.
Hazırda "Xəzər-Lənkəran" 9 xal və 9 qolla qrupda vahid liderdir. Komandanın növbəti rəqibi cəmi 2 xal toplamasına baxmayaraq, hələ ki, məğlubiyyət bilməyən "DFK Alyans" olacaq.
"Xəzər-Lənkəran"ın kapitanı: "Payızdan Rusiya çempionatında çıxış edəcəyik" - FOTO
Oyunlar Moskvada neytral meydançalarda keçirilir. Bu yarış müxtəlif liqalardan olan komandaların bir turnirdə qarşılaşması üçün unikal imkan və əlavə həvəs yaradır.
Qeyd edək ki, "Xəzər-Lənkəran" (Moskva) komandası bu il iyun ayının əvvəlində yaradılıb. Onun təsisçiləri əslən Azərbaycandan olan və hazırda Rusiyada yaşayan Elnur Babayev və Ruslan Hüseynov adlı gənclərdir.
Komandanın kapitanı və idman direktoru Elnur Babayevin sözlərinə görə, komanda payızdan etibarən Rusiya çempionatında çıxış etməyi planlaşdırır. Bunun 3 və ya 4-cü liqa olması isə maddi imkanlardan və dəstəkdən asılı olacaq.
Zəfər Tağı
Milli.Az