İran

Qalibaf: Tramp administrasiyası səhv qərarlar qəbul edir

27 Avqust 2026 19:46

Baxış: 294

VTB-də minimal faiz dərəcəsi ilə nağd kredit 9.9%-dən

#IRAN

Tramp administrasiyası yanlış məlumatlarla səhv qərarlar qəbul edir.

Milli.Az report-a istinadən xəbər verir ki, bunu İran parlamentinin sədri Məhəmməd Baqir Qalibaf Qətər Dövlətinin Baş naziri və xarici işlər naziri Şeyx Məhəmməd bin Əbdülrəhman bin Casim Al Tani ilə görüşdə deyib.

"Tramp administrasiyası yanlış məlumatlarla səhv qərarlar qəbul edir və nəinki Amerikanın özünün maliyyə, hərbi, insan resurslarını, eləcə də bölgənin gələcəyini riskə atır, həm də İran xalqının maraqlarını hədəf alır. Bölgədə genişmiqyaslı qeyri-sabitliyin yaranmasına səbəb olur", - Qalibaf bildirib.

Onun fikrincə, İranın iqtisadi mühasirə planı da nəticəsiz qalacaq: "Anlaşma memorandumu (İslamabad Anlaşma Memorandumu) əsasında üzərinə götürdüyü şərtləri icra etməli olan məhz Amerikadır".

Qətərin xarici işlər naziri də Hörmüz boğazında dəniz nəqliyyatı məsələsində İran və Oman arasındakı anlaşmanı alqışlayıb: "Cari diplomatik proseslərin gedişi bölgəyə sabitliyin qayıtmasına kömək edə bilər."

Xatırladaq ki, İran və Oman Hörmüz boğazında gəmiçilikdən əldə olunan gəlirlərin bölüşdürülməsi barədə razılığa gəlib.

Müəllif: Ülkər Vəliyeva (Milli.Az redaktor)