Maraqlı

Azərbaycanda mobil və sabit internetin sürəti iyunda artıb

20 İyul 2021 21:10
0 Şərh     Baxış: 1 345
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

Bu ilin iyun ayında Azərbaycanın mobil rabitə operatorlarının şəbəkələrində giriş internet trafikinin sürəti 37,11 Mbit/s təşkil edib.

Bu göstərici may ayı ilə müqayisədə 2,1% artıb. Cari ilin iyununda ölkənin mobil şəbəkələrində çıxış trafikinin sürəti may ayının göstəricisi ilə müqayisədə 4,3 artaraq 14,97 Mbit/s olub.

Qeyd edək ki, dünya üzrə mobil trafikinin giriş və çıxış sürəti isə müvafiq olaraq 55,34 Mbit/s və 12,69 Mbit/s təşkil edib. İyun ayının nəticələrinə görə, Azərbaycan bu göstərici üzrə 137 ölkə arasında 2 pillə irəliləyərək 66-ci yerdə qərarlaşıb.

Mobil internet sürətinə görə, liderlərin ilk üçlüyünə BƏƏ (193,51 Mbit/s), Cənubi Koreya (180,48 Mbit/s) və Qətər (171,76 Mbit/s) daxil olub.

Reytinqə əsasən, bu ilin iyun ayında Azərbaycanda stasionar genişzolaqlı internet trafikinin giriş sürəti 25,59 Mbit/s, çıxış sürəti isə 27,39 Mbit/s təşkil edib. Bu göstəricilər may ayı ilə müqayisədə müvafiq olaraq 10,1 və 11,2% artıb.

İyun ayının nəticələrinə görə, sabit internetin sürəti reytinqində Azərbaycan 181 ölkə arasında 3 pillə irəliləyərək 122-ci yerdə qərarlaşıb.

Dünyada ən sürətli sabit interneti olan ilk üç lider ölkə Monako - 260,74 Mbit/s, Sinqapur - 252,68 Mbit/s və Honkonq (SAR) - 248,94 Mbit/s olub. Qlobal sabit internetin giriş və çıxış trafikinin orta sürəti isə müvafiq olaraq 106,61 Mbit/s və 57,67 Mbit/s olub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.