Maraqlı

Rəcəb – bəndə ilə Allah arasında olan kəndirdir

14 Mart 2019 22:20

1 Şərh Baxış: 826

VTB-də minimal faiz dərəcəsi ilə nağd kredit 9.9%-dən

#DİN

Mübarək Rəcəb ayı da təşrif gətirdi və bizi 3 müqəddəs aya daxil etdi. O aylara ki, Allahın bəndələrinə xüsusi inayəti və nəzəri vardır. O aya ki, bəndələr günahlarından paklanar və Allaha yaxınlaşmağa çalışar. Bəziləri bacarar, bəziləri isə şeytanın (lən) yolu ilə getməyə davam edərlər.

Milli.Az deyerler.org-a istinadən bildirir ki, Həzrət Peyğəmbər (ə) buyurur: "Allah yeddinci səmada bir mələk qərar vermişdir və adı Carçıdır. O zaman ki, Rəcəb ayı daxil olar, o mələk ki, yeddinci səmadadır, Rəcəb ayının hər gecəsindən səhərinə qədər car çəkər: "Ey insanlar! Bilirsinizmi ki, Allah bu gecədə nə deyər?

"Mən o kəsin yoldaşıyam ki, Mənimlə əyləşər.

Mən o kəsə itaət edərəm ki, Mənə itaət edər.

Hər nə istəsən - sənə verərəm.

Hər kim, Məndən bağışlanma istəyər - onu bağışlayaram.

Bu ay - Mənim ayımdır.

Rəcəb ayı - Allahın ayıdır.

Bəndə də Mənim bəndəmdir.

Rəhmət - Mənim rəhmətimdir.

Hər kim bu ayda Məni çağırar - Mən cavabını verərəm.

Hər kim bu ayda Məndən nəyisə istəsə - ona əta edərəm.

Hər kim Məndən hidayət olmasını istəyər - onu hidayət edərəm.

Mən bu ayı Özümlə bəndəm arasında kəndir qərar vermişəm"".