PUL
Eurovision-2014 mahnı müsabiqəsində Rusiyanı təmsil edəcək Anastasiya və Mariya Tolmaçova bacılarının ifa etdikləri "Shine" ("Parıltı") mahnısı ilə bağlı qalmaqal yaranıb.
Milli.Az Wiwibloggs-a istinadən bildirir ki, londonlu jurnalist Uilyam Li Adams bu mahnıda Rusiyanın Krımı ələ keçirməsinə işarəni aşkarlayıb.
"Mahnıda rus qızların Krım barədə oxuduqları sətir var. Belə ki, ikinci bənddəki "Living on the edge, closer to the crime - cross the line a step at a time" sözlərində "the crime" ifadəsi "cinayət" kimi yox, "Crimea", yəni Krım kimi tələffüz olunur. Aşkar görünür ki, mahnı Rusiyadan Krıma ünvanlanan pərdələnmiş sevgi etirafıdır", - Uilyam Li Adams yazıb.
Londonlu jurnalisti Britaniya və Qərbi Avropa mediası, habelə on minlərlə oxucu dəstəkləyib. Onlar Rusiyanın Eurovision-2014-dən kənarlaşdırılmasını tələb edirlər.
Eurovision-2014-ün təşkilat komitəsi iddiaları əsassız sayıb.
Tolmaçova bacıları isə bildiriblər ki, belə mənasız iradlara fikir vermək niyyətində deyillər: "Mayın 6-da Kopenhagendə keçiriləcək ilk yarımfinala hazırlaşırıq".
Eurovision-2014 6-10 may günlərində Danimarkanın Kopenhagen şəhərində keçiriləcək.
Milli.Az
Videonu izləmək üçün şəklə klikləyin.
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
_.jpg)
