Maraqlı

"Titanik"in son GÖRÜNTÜLƏRİ - VİDEO

26 Fevral 2026 11:00

Baxış: 1 907

VTB-də minimal faiz dərəcəsi ilə nağd kredit 9.9%-dən

#DÜNYADA #VİDEO #GƏMİ

"Titanik"ə aid və 1921-ci ilə aid arxiv görüntüləri yenidən maraq doğurub.

Milli.Az xəbər verir ki, sosial şəbəkələrdə yayılan həmin kadrlarda nəhəng sərnişin gəmisinin səfərə çıxmazdan əvvəlki hazırlıq prosesi əks olunub.

Ağ-qara formatda olan görüntülərdə limanda son yoxlamaların aparıldığı, heyətin göyərtədə hərəkəti və sərnişinlərin minik prosesinə hazırlaşdığı anlar yer alır. Tarixi mənbələrə görə, Titanik 1912-ci il aprelin 10-da İngiltərənin Sauthempton limanından yola düşmüşdü.

Xatırladaq ki, "batmaz gəmi" kimi təqdim edilən Titanik ilk səfəri zamanı - 1912-ci il aprelin 15-də Şimali Atlantik okeanında aysberqlə toqquşaraq batıb. Faciə nəticəsində 1500-dən çox insan həyatını itirib və bu hadisə dünya dənizçilik tarixinin ən böyük fəlakətlərindən biri kimi yadda qalıb.

Titanik faciəsinin ekran həyatı

Titanik faciəsi illər boyu kino sənayesinin də diqqət mərkəzində olub. Ən məşhur ekran işi 1997-ci ildə çəkilən "Titanik" filmidir. Rejissoru Cames Kameron olan ekran əsərində baş rolları Leonardo Di Kaprio və Kate Vinslet canlandırıb.

Film 11 "Oskar" mükafatı qazanaraq kino tarixində ən uğurlu layihələrdən birinə çevrilib. Ekran işi həm real tarixi faktları, həm də uydurma sevgi hekayəsini birləşdirərək milyonlarla tamaşaçının yaddaşında silinməz iz buraxıb.

"Titanik faciəsi" bu gün də həm tarixçilər, həm də sənət adamları üçün maraq mövzusu olaraq qalır.

Milli.Az