Maraqlı

Niyə insanlar onlara xəyanət edən sevgililərini bağışlayırlar?

30 Mart 2024 19:30

Baxış: 755

#MARAQLI

Bir çoxları üçün saxtakarlıq, xəyanət bağışlanmaz olsa da, bəziləri bu sınaqdan çıxa bilir və birlikdə qalmağa davam edirlər. Bəs buna səbəb nədir? Bu suala psixoloqlar cavab verirlər.

Milli.Az lent.az-a istinadən xəyanəti bağışlamağa səbəb olan amillərdən danışır.

1. Münasibətləri davam etdirmək istəyi

Bəzi insanlar hesab edir ki, bağışlamaq və problemin öhdəsindən gəlmək daha güclü bir əlaqəyə səbəb ola bilər, münasibətləri sağlamlaşdırar. Belə insanlar partnyorunun dəyişəcəyinə ümid edirlər.

2. Uşaqlar və ailə

Uşaqlar əsas səəblərdən biridir. Həmçinin, ər-arvad öz böyük ailəsinin qalan üzvlərinin təsiri altında yuvanı dağıtmamaq qərarı verə bilər.

3. Dəyişiklik və ya təklik qorxusu

Tək qalmaq, yenidən başlamaq və ya naməlum bir gələcəklə üzləşmək qorxusu bəzi insanların əlaqəni tərk etməsinə mane ola bilər. Bağışlamaq bu qeyri-müəyyənlikdən xilas olmaq üçün bir yol olaraq görülür.

4. Ünsiyyət və dəyişmək bacarığı

Cütlük hər şeyi açıq-açıq danışıb öz xəstə münasibətlərini birlikdə sağaldanda xəyanət bağışlanır.

5. Şəxsi inkişaf və öyrənmə

İnsanlar təcrübəni şəxsi inkişaf və özünü kəşf etmək üçün bir fürsət kimi qiymətləndirə bilərlər.

Onlar vəziyyətdən öyrənmək, özlərini və münasibətlərini yaxşılaşdırmaq üçün bağışlamağı seçirlər.

Milli.Az
Xəbərlərimizi WhatsApp kanalımızdan da oxuyun