Maraqlı

Dünyanın ən sürətli və ən kiçik robotu: Bu sahələrdə faydalı olacaq - FOTO

20 Yanvar 2024 17:20

Baxış: 697

#MARAQLI #SÜNİ İNTELLEKT #ROBOT

Böcəyi və suhörümçəyini xatırladan iki cihaz indiyə qədər yaradılmış ən kiçik, ən yüngül və ən sürətli tam funksional mikrorobotlardır.

Milli.Az oxu.az-a istinadən bildirir ki, onlar Vaşinqton Dövlət Universitetində (WSU) yığılıb.

Bu miniatür robotlar süni tozlanma, axtarış və xilasetmə, ətraf mühitin monitorinqi, mikro istehsal və ya robotlaşdırılmış cərrahiyyə kimi sahələrdə faydalı ola bilər.

Tərtibatçıların fikrincə, mini-böcəyin çəkisi 8 mq, su hörümçəyinin çəkisi isə 55 mq-dır. Hər ikisi saniyədə təxminən 6 mm sürətlə hərəkət edə bilir. Müqayisə üçün qeyd edək ki, qarışqanın çəkisi 5 mq-a qədərdir və saniyədə 1 mm sürətlə hərəkət edə bilir.

Robotlar kiçik ötürücülər sayəsində hərəkət edirlər. Tədqiqatçılar ötürücülərin çəkisini bir milliqram və ya daha da azaltmaq üçün yeni texnologiyadan istifadə ediblər. Beləliklə, ötürücü həm də ən kiçik, lakin eyni zamanda dünyada ən sürətli ötürücüsüdür. Qızdırıldıqda formasını dəyişə bilən, lakin soyuduqda orijinal formasına qayıda bilən "forma yaddaşı" olan bir xəlitə əsasında yaradılmışdır. Bu effekt "forma yaddaşı" adlanır.

Milli.Az

Xəbərlərimizi WhatsApp kanalımızdan da oxuyun