Maraqlı

Qəbir sıxıntısı necə olur?

21 Yanvar 2023 20:40
Baxış: 746
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ölüm - elə bir həqiqətdir ki, heç bir canlı ondan qaça bilməz.

Ölümlə bağlı Əllamə Təbatəbainin şagirdlərinin, bu böyük alimə verdiyi sualların cavablarına nəzər salaq.

Sual: Ölümün həqiqəti nədir?

Cavab: Sübhan Allah ölümün həqiqətini Quranda bəyan etmişdir. "Sizin aranızda ölümü (onu doğuran səbəblər, müddət, tez və gec olması baxımından) müəyyənləşdirən Bizik və Biz istək və iradədə əsla məğlub olmuruq.

(Dünyada) oxşarlarınızı sizin yerinizə qoymaq (həmişə bir dəstəni aparıb bənzərlərini gətirmək) və (axirətdə ora uyğun olaraq) sizi yenidən, bilmədiyiniz hal və surətlərdə yaratmağımız üçün!" ("Vaqiə" 60-61).

Ona görə də ölüm - bir dünyadan başqasına köçməkdir. Bu işi də Ölüm Mələyi edəcəkdir.

Sual: İnsan məhv olan deyildir?

Cavab: Məhv olan deyildir, maddədir. Quranın nəzərində ölüm - məhv olmaq demək deyildir. Əslində bir dünyadan başqasına köçməkdir.

Allah Quranda buyurur: "Sizin aranızda ölümü (onu doğuran səbəblər, müddət, tez və gec olması baxımından) müəyyənləşdirən Bizik və Biz istək və iradədə əsla məğlub olmuruq".

Sual: Bizim ruhumuz köçəcəkdir?

Cavab: Necə ki, dünyada insanlıq onunla ölçülür, başqa dünyaya da o köçəcəkdir.

Sual: Ölüm Mələyi ruhları Qiyamət gününə qədər saxlayacaqdır?

Cavab: Allah bu ayədə buyurur: "(Ya Peyğəmbər!) de: "Sizə müvəkkil olan ölüm mələyi sizi(n varlığınızın bütün həqiqətini təşkil edən ruhunuzu) kamil surətdə (bədəninizdən) alar (ayırar), (ruh qalar və bədən isə torpağa çevrilər), sonra (Qiyamətdə, həmin bədənin qəlibində) öz Rəbbinizin hüzuruna qaytarılacaqsınız!"". ("Səcdə" 11).

Sual: Qəbir sıxıntısı necə olur?

Cavab: Ruh bədəndən ayrılandan sonra qəbir sanki onu sıxacaqdır. Həqiqətdə qəbir bədəni sıxmır. Ölünün qəbirdə əzab görməsinin hamısı təmsildir.

Sual: Bu dünya ilə bərzəxin fərqi nədir?

Cavab: Axirət aləmi bu dünya ilə fərqlənir. Misal üçün, insan dünyada yemək yeyən zaman tox olar. Ancaq o biri dünyada hər nə qədər yesə də, tox ola bilməz. Başqa ləzzətlər də bu cürdür".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.