PUL
.png)
.jpg)
.jpg)
Taylandda polis mobil telefon oğurlayan və Robin Hud kimi kasıblara qənimət paylayan oğrunu saxlayıb.
Milli.Az bildirir ki, bu barədə AsiaOne məlumat yayıb.
Tutulan cinayətkarın axtarışı altı aydan çox davam etdi. Bu müddət ərzində o, "Banana IT" şirkətinin üç mobil telefon mağazasını qarət etməyi bacarıb. Dördüncü oğurluqdan bir gün sonra o, saxlanılıb. Oğrunun 23 yaşlı Jeh-isma-ae Hama adlı Banqkok sakini olduğu üzə çıxıb.
Sonuncu oğurluq zamanı müşahidə kamerasına düşən görüntülərdə alt paltarında və üzündə tibbi maska olan tay gəncin rabitə salonuna necə daxil olduğu və oradan əksəriyyəti mobil telefon olan 128 müxtəlif mal çıxardığı görünür. Oğurlanan malların ümumi dəyəri 1,9 milyon bat (təxminən 56 min dollar) olaraq qiymətləndirilib.
Həbsdən sonra Hamanın mənzilində oğurlanmış 89 mobil telefon tapılıb. "Mən yalnız "Banana" mağazalarından oğurluq edirəm, çünki bananı və sarı rəngi sevirəm", - o deyib. "Alt paltarımı soyunuram, çünki bu mənim xoşuma gəlir. Buna görə də özümü inamlı hiss edirəm, özümü özüm kimi hiss edirəm".
Onun sözlərinə görə, o, mobil telefonları ona görə oğurlamağa başlayıb ki, uşaqlıqda özünün telefonu olmayıb, amma bütün tanışlarının olub. Hama oğurlanmış cihazları Banqkokda və Narathivat şəhərində evsizlərə paylayıb, çünki özü də əvvəllər küçədə yaşayırdı.
İrfan Vəliyev
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
.jpg)
.jpg)
