Maraqlı

10 aylıq uşağın qidalanması

2 İyul 2022 08:41
0 Şərh     Baxış: 584
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

10 aylıq uşağın qida rasionunun əsasını döşlə əmizdirmə, meyvə şirələri, sıyıqlar, pürelər və s. tutur. Həyatının birinci ilində uşaq üçün ən faydalı sayılan qida isə ana südü hesab edilir. Buna görə də az da olsa ana südü ilə uşağı əmizdirmək uşağın sağlamlığı üçün faydalı sayılır. Əgər ana südü yoxdursa o zaman onu əvəz edə biləcək keyfiyyətli süni qidlanma mütləq olmalıdır. Bu süni qidalanmanın növü və qəbul edilmə qaydası pediatr tərəfindən təyin edilir. Həyatının ilk ili uşağın ən çox enerjiyə, vitamilnlərə və minerallara ehtiyacı olan bir dövrü sayılır.

10 aylıq uşaq orqanizminin ana südündən başqa digər qidalara da ehtiycı olur. Bu qidalar uşağın həyatı üçün çox vacib sayılır. Bu dövrdə uşağın inkişafı, böyüməsi onun qəbul etdiyi qidalardan çox asılıdır. Uşağın fiziki inkişafı, boyunun, bədəninin, sağlamlığının vəziyyəti uşağın qəbul etdiyi qidalardan birbaşa asılı olur. Bunun üçün də uşaq orqanizminə daxil olan bütün qidalara diqqət yetirmək lazımdır.

10 aylıq uşağın qida rasionunda nələr olmalıdır?
10aylıq uşağın yaddaşı yaxşı işləyir və onun artıq ağlı formalaşmağa başlayıb. Normal balanslaşdırılmış qidalanma uşaqğın fiziki, əqli inkifafının irəliləməsinə səbəb olur. Buna görə də anaların çoxu 10 aylıq uşağının necə qidalanması barədə çox düşünürlər. Bu dövrdə uşağın qida rasionu nə qədər geniş olarsa uşaq üçün çox faydalıdır. Amma, uşağı qidalandıran zaman onun səhhətinə zərər verəcək, allergiyaya səbəb ola biləcək qidalardan uzaq durmaq lazımdır. Allergiyaya isə ən çox narıncı rəngdə olan qidalar səbəb olur.
10 aylıq uşağa balıq yedirmək olar, lakin uşağa yağsız balıq vermək lazımdır. Balığın tərkibində olan fosfor və amin turşuları uşağın zehni və əqli inkişafı üçün çox vacibdir. Amma, uşağa balıq yedirərkən onun allergiya verib-verməməsinə diqqət yetirmək lazımdır. 10 aylıq uşağa balıq həkimin məsləhəti ilə həftədə 1 dəfə 50 qram yedizdirilir. 10 aylıq uşaq gün ərzində 200 qram dənli bitkilərdən hazırlanmış sıyıq, 100 qram meyvə, 1 yumurta sarısının yarısı, 90-150 qram kefir, 15 qram ət yeyə bilər. Bu dövrdə uşağın əlinə çörəyin kənarını kəsib vermək olar.
10 aylıq uşaq gündə 4-5 dəfə əlavə qida qəbul eləməlidir. Mütəxəssislər 10 aylıq uşağa ardı-ardına iki növ qidanı yedizdirməyi məsləhət bilmir. Onlar hətta yemək qəbul etdikdən dərhal sonra su və ya çay, şirə içməyi də məsləhət bilmirlər. Azyalı uşağa qida verərkən qidalar arasında fasilə qoyulmalıdır.
10 aylıq uşağa fincandan çay içməyi öyrətmək lazımdır.
10 aylıq uşağa hansı qidaları vermək qadağandır?
Bu yaşda olan uşağa yağlı, hisə verilmiş, ədviyyatlı qidaları, konserva, kofe, şirniyyatlar, şokolad, konfet və tort vermək olmaz.
Hər bir uşağın müxtəlif qidalara qarşı müxtəlif reyaksiyalar olur. Buna görə də uşağı qidaladıran zaman onun qidalara qarşı verdiyi reaksiyanı nəzərə almaq və onun ağız dadına diqqət yetirmək lazımdır.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.