Hadisə

Soyqırımı törətməkdə təqsirli bilinən Ratko Mladiç vəfat edib

27 Avqust 2026 17:03

Baxış: 894

VTB-də minimal faiz dərəcəsi ilə nağd kredit 9.9%-dən

Bosniya serblərinin keçmiş ordu komandanı general Ratko Mladiç 84 yaşında vəfat edib.

Milli.Az Trend-ə istinadən xəbər verir ki, bu barədə "Reuters" serbiyanın "Informer" telekanalına istinadən məlumat yayıb.

Son iki il ərzində Mladiç Haaqadakı həbsxana hospitalında saxlanılıb. KİV-in məlumatına görə, son vaxtlar o, yatağa məhkum olub. Səhhətinin pisləşməsi səbəbindən ailəsi daha əvvəl humanitar əsaslarla onun azadlığa buraxılması üçün vəsatət qaldırmışdı.

Mladiç 2011-ci il mayın 26-da Serbiyada həbs edilib və Haaqaya ekstradisiya olunub. 2017-ci ilin noyabrında keçmiş Yuqoslaviya üzrə Beynəlxalq Tribunal onu ömürlük həbs cəzasına məhkum edib.

Məhkəmə Mladiçi 1992-1995-ci illərdə Bosniya və Herseqovinada müharibə zamanı törədilmiş soyqırımında, hərbi cinayətlərdə və insanlıq əleyhinə cinayətlərdə təqsirli bilib.

Müəllif: Malik Məlikov (Milli.Az redaktor)