Hadisə

Qazax Polisindən narkotik əməliyyatı - VİDEO

26 Sentyabr 2023 20:37

Baxış: 881

VTB-də minimal faiz dərəcəsi ilə nağd kredit 10.49%-dən

#VİDEO #POLİS #NARKOTİK

Qazax polisi narko-kuryerlik edən şəxsi ələ keçirib.

Milli.Az Xəzər TV-yə istinadən bildirir ki, əməliyyat-axtarış tədbirləri nəticəsində İrandan qeyri-qanuni yolla Qazax rayon ərazisinə gətirilmiş narkotik vasitəni onlayn sifariş kimi qəbul edərək ölkə ərazisində çatdırılmasını təmin edən narko-kuryer saxlanılıb.

Araşdırmalar zamanı məlum olub ki, Sumqayıt şəhər sakini Cəlal Əzizov Qazaxa gələrək rayon ərazisində gizlədilən narkotik vasitəni nağd pul və bir miqdar narkotik vasitə qarşılığında ölkənin digər şəhər və rayonlarına aparmağa razılaşıb.

Şübhəli şəxsdən 1 kq 11 qram heroin, 855 qram qurudulmuş marixuana, 15 ədəd metadon hərbi aşkar olunaraq götürülüb.

Bərdə də əməliyyat keçirilib. Polis əməkdaşlarına daxil olmuş məlumat əsasında keçirilən tədbirlərlə narkotik vasitənin qanunsuz dövriyyəsində şübhəli bilinən Yevlax rayon sakini Teymur Əkbərov saxlanılıb. Onun əlində olan sellofan torbaya baxış zamanı 2 kiloqramdan artıq marixuana aşkar edilərək götürülüb. Faktlarla bağlı araşdırmalar davam etdirilir.

Mövzu ilə bağlı daha ətraflı videomaterialı təqdim edirik:

Milli.Az