Texnologiya

Meta yeniyetmələrin sosial media asılılığına görə 17 milyard ödəyəcək

27 Avqust 2026 10:33

Baxış: 260

VTB-də minimal faiz dərəcəsi ilə nağd kredit 9.9%-dən

#TEXNOLOGİYA #META

Meta şirkəti yeniyetmələrin sosial media asılılığı ilə bağlı ABŞ-da aparılan məhkəmə prosesini dayandırmaq üçün 17 milyard dollar (14,6 milyard avro) ödəməyə və "Facebook" və "Instagram" platformalarında uşaqların təhlükəsizliyinin artırılması ilə bağlı əlavə tədbirlər görməyə razılaşıb.

Milli.Az xəbər verir ki, ştatların baş prokurorları bildiriblər ki, razılaşma 47 ştatın şirkətə qarşı irəli sürdüyü iddiaların həllini nəzərdə tutur.

Kaliforniya, Kolorado, Kentukki və Nyu-Cersi də daxil olmaqla 29 ştat 2023-cü ildə Meta şirkətini məhkəməyə vermişdi. İddialarda şirkətin yeniyetmələrin sosial mediadan asılılığına səbəb olan mexanizmlərdən istifadə etdiyi və uşaqların təhlükəsizliyinin lazımi səviyyədə qorunmadığı vurğulanırdı.

Yeni razılaşmalar nəticəsində məhkəmə prosesi planlaşdırılandan əvvəl başa çatdırılacaq.

Müəllif: Nərmin Mahmudova (Milli.Az müxbir)