Sağlamlıq

Arıqlama dərmanı alkoqolizmə də çarə imiş

16 Oktyabr 2025 19:53
Baxış: 933
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #SAĞLAM QİDA

ABŞ alimləri müəyyən ediblər ki, şəkərli diabetin və artıq çəkinin müalicəsində istifadə olunan GLP-1 əsaslı dərmanlar, o cümlədən "Ozempic" və "Wegovy" spirtin beyin üzərindəki təsirini yavaşlada bilər.

Milli.Az xəbər verir ki, bu barədə "Scientific Reports" (SciRep) jurnalında dərc olunan tədqiqatda məlumat verilib.

Fralin Biotibbi Tədqiqat İnstitutunun alimləri bildiriblər ki, GLP-1 reseptor agonistləri qrupuna aid preparatlar alkoqolun qana keçməsini ləngidir, nəticədə spirtin konsentrasiyası və sərxoşluq hissi daha zəif olur.

Tədqiqat zamanı semaglutid, tirzepatid və liraglutid qəbul edən könüllülər eyni miqdarda spirt içsələr də, özlərini daha az sərxoş hiss etdiklərini bildiriblər. Müşahidə prosesi bir neçə saat davam edib, iştirakçıların nəfəsdəki spirt miqdarı, təzyiqi, nəbzi və qlükoza səviyyəsi ölçülüb.

Mütəxəssislər hesab edirlər ki, bu effekt dərmanların mədənin boşalmasını yavaşlatması ilə əlaqədardır, bu da spirtin sorulmasını gecikdirir. Alimlər qeyd ediblər ki, bu təsir alkoqol asılılığının qarşısını almaq və istehlakını azaltmaq üçün yeni imkanlar yarada bilər, çünki GLP-1 əsaslı preparatlar artıq piylənmə və diabetin müalicəsində təhlükəsiz hesab olunur.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.