PUL
.jpg)
50 yaşdan kiçik hər üç insandan təxminən ikisi həyatında ən az bir dəfə uçuq problemi ilə qarşılaşıb. Lakin çoxu uçuqları ortaya çıxmazdan əvvəl necə önləyəcəklərini bilmir. Herpes simpleks virusu (HSV-1) səbəb olduğu uçuqlar dodaq və burun ətrafında kiçik, maye dolu qabarcıq şəklində görünür. Müdaxilə edilmədikdə bu proses 10 günə qədər davam edir, həm yoluxucu olur, həm də ağrı və qıcıqlanma yaradır.
Mütəxəssislər uçuğu ən effektiv şəkildə dayandırmaq üçün ilk əlamətlərdə hərəkətə keçməyin vacib olduğunu bildirir. Qaşıntı, yanma, ağrı və ya qızarma hissi yarandığı anda tədbir görmək virusun yayılmasını əngəlləyə bilər.
Həkim Eric Berg bu mərhələdə tətbiq edilə biləcək üsulları belə sıralayır:
Buz tətbiqi: Viruslar soyuğa davamlı deyil, buz uçuğun inkişafını yavaşladır.
Sink istifadə edin: Tropikal sink kremi tətbiqi sağalmanı sürətləndirə bilər.
Lizin əlavəsi alın: 1-3 qram lizin qəbul etmək virusun qidalanmasını əngəlləyərək təsirini azaldır.
Bergin tövsiyələrini sınayan bir çox istifadəçi, lizin əlavəsinin faydasını gördüyünü bildirir. Bəziləri isə gündəlik istifadə sayəsində illər ərzində bir neçə dəfə çıxan uçuqlarının azalmasını qeyd edir. Lakin bəzi insanlarda lizin təsirsiz olub, hətta vəziyyəti pisləşdirə bilər.
Başqa istifadəçilər buzun təsirli olduğunu, lakin ən effektiv həllin antiviral dərmanlardan olan Valtrex olduğunu qeyd edir. Alternativ üsullar arasında qırmızı işıq terapiyası da önə çıxır.
Günəş işığı, stress, yorğunluq və qadınlarda menstruasiya dövrü uçuqların yaranmasında əsas başlama səbəbləridir. Mütəxəssislər bildirir ki, doğru zamanda müdaxilə etmək və immuniteti güclü saxlamaq, bu yaygın və yoluxucu problemə qarşı ən təsirli qorunma üsuludur.
Lalə Qüdrətova
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
