Sağlamlıq

Səyahət zamanı qarşılaşa biləcəyiniz ölümcül risk

26 Aprel 2025 15:35
Baxış: 917
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #TƏYYARƏ

Dünyada milyonlarla insanı təsir edən malyariya xəstəliyi, xüsusilə tropik bölgələrdə yenidən artmaqdadır.

Milli.Az xəbər verir ki, yoluxucu xəstəliklər üzrə mütəxəssis Prof. Dr. Bahadır Ceylan tropik bölgələrdən gələn insanlarda malyariya hallarının artdığını vurğulayıb. O, yüksək hərarətlə başlayan xəstəliyin vaxtında müalicə edilmədiyi təqdirdə çoxlu orqan çatışmazlığına və ölümlə nəticələnə biləcəyinə diqqət çəkib.

Malyariya yalnız Afrika və Asiyada deyil, dünyanın bir çox yerində səssiz təhlükə olaraq qalır. 

Prof. Dr. Bahadır Ceylan bildirib ki, xəstəlik Anopheles adlı ağcaqanad vasitəsilə yayılır. Bu ağcaqanad bataqlıq, çay və gölməçələrdə çoxalır. 

O, qeyd edib ki, hazırda  rast gəlinən malyariya halları əsasən tropik bölgələrdən gələn insanlarda aşkarlanır. Xəstəlik 40 dərəcəyə qədər yüksələn hərarət, titrəmə və huşun itirilməsi ilə irəliləyir. Parazitin orqanizmdə yaratdığı güclü reaksiya nəticəsində ürək, ağciyər, qaraciyər və böyrəklərdə çatışmazlıq yarana bilər. Bu səbəbdən tropik bölgələrdən qayıdan şəxslərin simptomlara qarşı diqqətli olmaları vacibdir.

Prof. Dr. Bahadır Ceylan xəstəliyin ilk əlamətləri görünən kimi dərhal müalicəyə başlanılmasının həyati əhəmiyyət daşıdığını bildirib. Əks halda çoxlu orqan çatışmazlığı, şok və ölümcül nəticələr qaçılmaz ola bilər. O, xüsusilə səyahətdən qayıdanların yüksək hərarət və titrəmə kimi simptomlar müşahidə etdikdə dərhal tibbi yardıma müraciət etmələrinin vacibliyini vurğulayıb.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.