Təhsil

Məktəblərdə ştat ayrılıb, amma dərs keçirilmir - Kimdir müqəssir?

25 May 2023 23:00
Baxış: 4 399
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Hazırda bir çox məktəblərdə bəzi fənnlər var ki, dərs proqramına salınıb, lakin tədris olunmur. Baxmayaraq ki, həmin fənn üçün müəyyən vəsait ayrılır. Bu cür halların yaranması əlbəttə ki, tədris prosesinə öz mənfi təsirini göstərir.

Bəs bu problem necə aradan qaldırıla bilər?

Məsələ ilə bağlı Trend-in suallarını cavablayan Elm və Təhsil Nazirliyi yanında İctimai Şuranın üzvü, Azərbaycan Gənc Alim, Doktorant və Magistrlər Cəmiyyətinin sədri, fəlsəfə doktoru İlqar Orucov qeyd edib ki, bir çox hallarda bəzi dərslər yetərincə tədris olunmadığına dair fikirlər ortaya çıxır.

"Bütövlükdə tədris yükü müəyyənləşdirilərkən o dəsrlərin əhəmiyyəti nəzərə alınaraq proqramlar tərtib olunur. Cədvəldə olub da, keçilməyən dərslərin olması halı yolverilməzdir. Hər bir dərsin şagirdin yetişməsində müəyyən rolu var. Hesab edirəm ki, bunla bağlı mütləq araşdırma aparılmalıdır. Əgər belə hallar varsa, mütləq şəkildə ilk növbədə məktəb rəhbərləri barədə ciddi tədbirlər görülməlidir. Tədris proqramında dərs varsa, ona zaman və vəsait ayrılırsa, həmin dərs tədris olunmalıdır. Bu kimi məsələlərdə nizam intizamı tətbiq etmək olduqca vacbdir", - deyə o əlavə edib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.