İqtisadiyyat

Azərbaycan Türkiyədən avtomobil idxalını artırıb

29 May 2020 09:54

Baxış: 2 605

VTB-də yüksək depozit faizleri daha çox qazandırır

#İQTİSADİYYAT #AVTO #İXRAC

2020-ci ilin yanvar-aprel aylarında Türkiyədən Azərbaycana avtomobil ixracı 2019-cu ilin eyni dövrü ilə müqayisədə 55,97 faiz artaraq 29,726 milyon dollar təşkil edib.

Milli.Az xəbər verir ki, bu barədə Trend-ə Türkiyənin Ticarət Nazirliyindən məlumat verilib.

Nazirlik qeyd edib ki, 2020-ci ilin aprel ayında Türkiyədən Azərbaycana avtomobillərin ixracı 2019-cu ilin aprel ayına nisbətən 121 faiz artaraq 7,812 milyon dollar təşkil edib.

Qeyd edək ki, 2020-ci ilin yanvar-aprel aylarında Türkiyədən dünya bazarlarına avtomobil ixracı 7,576 milyard dollar təşkil edərək keçən ilin eyni dövrü ilə müqayisədə 26,9 faiz azalıb.

Türkiyədən avtomobil ixracı yanvar-aprel aylarında ölkənin ümumi ixracının 14,6 faizini təşkil edib.

Son 12 ayda (aprel 2019 - aprel 2020) Türkiyə 27,792 milyard dollar məbləğində avtomobil ixrac edib.

Milli.Az