İqtisadiyyat

Problemli kreditlərin həlli ilə bağlı kompensasiya ödənişlərinin 84 faizi icra edilib

14 May 2019 18:34

1 Şərh Baxış: 1 669

VTB-də minimal faiz dərəcəsi ilə nağd kredit 9.9%-dən

#KREDİT #KOMPENSASİYA

Problemli kreditlərin həlli ilə bağlı kompensasiya ödənişlərinin 84 faizi icra olunub.

Milli.Az AZƏRTAC-a istinadən bildirir ki, bu barədə Maliyyə Bazarlarına Nəzarət Palatasından bildirilib.

Qeyd edilib ki, "Azərbaycan Respublikasında fiziki şəxslərin problemli kreditlərinin həlli ilə bağlı əlavə tədbirlər haqqında" Azərbaycan Respublikası Prezidentinin 2019-cu il 28 fevral tarixli Fərmanının icrası çərçivəsində ümumilikdə 602 min vətəndaşa kompensasiyanın ödənilməsi nəzərdə tutulub. Mayın 13-dək 506 min vətəndaşımıza ödənişlər təmin edilib ki, bu da planın 84 faizinin icra olunduğunu göstərir. Kompensasiya ödənişləri 243 min nəfərin ödəniş müddəti keçmiş kreditlərinin azaldılmasına yönəlib, 263 min nəfərə isə nağd və ya plastik kart formasında təqdim olunub.

Eyni zamanda, Apellyasiya Komissiyasına edilmiş müraciətlərə araşdırmaların nəticələrinə müvafiq olaraq cavabların verilməsi prosesinə başlanılıb. Bundan sonra vətəndaşlar Apellyasiya Komissiyasına müraciət üçün yaradılmış xüsusi portalda özləri üçün yaratdığı şəxsi kabinetlərindən izləyə bilərlər. Hər bir vətəndaşın müraciəti 30 iş günü müddətində cavablandırılır.

Milli.Az