İqtisadiyyat

Azərbaycanda kənd təsərrüfatı məhsulları nisbətən ucuzlaşıb

2 Avqust 2013 19:11
Baxış: 497
VTB-də minimal faiz dərəcəsi ilə nağd kredit 9.9%-dən
#CƏMİYYƏT #İQTİSADİYYAT
2013-cü ilin iyul ayında satılmış kənd təsərrüfatı məhsullarının istehsalçı qiymətləri əvvəlki ayla müqayisədə 0,4 faiz, o cümlədən birillik bitkilərin istehsalçı qiymətləri 0,6 faiz, çoxillik bitkilərin istehsalçı qiymətləri 4,2 faiz ucuzlaşıb.

Milli.Az xəbər verir ki, Dövlət Statistika Komitəsindən Trend-ə verilən məlumata görə, diri heyvanlar və heyvandarlıq məhsullarının istehsalçı qiymətləri isə 0,7 faiz bahalaşıb.

Birillik bitkilərdən kartofun istehsalçı qiymətləri 1,5 faiz, baş soğanın 0,5 faiz, quru otun istehsalçı qiymətləri 5,3 faiz bahalaşıb, buğdanın istehsalçı qiymətləri 1,5 faiz, arpanın 1 faiz, göyərtilərin 1,2 faiz, göy lobyanın 8,1 faiz, kələmin 0,6 faiz, pomidorun 1,2 faiz, xiyarın 2,4 faiz, badımcanın 16,6 faiz, bibərin 24,5 faiz, qarpız və yemişin istehsalçı qiymətləri isə müvafiq olaraq 1,1 və 1,2 faiz ucuzlaşıb.

Çoxillik bitkilərdən almanın istehsalçı qiymətləri 10,1 faiz, armudun 16,8 faiz, əriyin 3,2 faiz, albalı və gilasın 0,1 faiz, şaftalının 10,9 faiz, alçanın 28,8 faiz, qoz və fındığın istehsalçı qiymətləri müvafiq olaraq 0,3 və 10,3 faiz ucuzlaşıb, limonun istehsalçı qiymətləri 4,0 faiz, çiyələyin istehsalçı qiymətləri isə 0,4 faiz bahalaşıb.

Diri heyvanlar və heyvandarlıq məhsullarından yumurtanın istehsalçı qiymətləri 17,9 faiz bahalaşıb. Bu bahalaşma ilə yanaşı, ay ərzində diri qoyun və keçilərin istehsalçı qiymətləri 0,1 faiz, inəyin 1,3 faiz, camışın 0,4 faiz, mal ətinin (diri çəkidə) 0,8 faiz, quş ətinin (diri çəkidə) 4,1 faiz, südün 0,3 faiz, təbii balın istehsalçı qiymətləri 0,1 faiz ucuzlaşıb.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.