İqtisadiyyat

Gəncə şəhərinin qaz təchizatı yaxşılaşdırılır

2 Avqust 2013 16:37
Baxış: 397
VTB-də minimal faiz dərəcəsi ilə nağd kredit 9.9%-dən
#AZERBAİJAN

Trend ARDNŞ-nin rəsmi saytına istinadən məlumat verir ki, ötən dövrdə Gəncənin H.Əliyev, Atatürk, Nizami, Nərimanov prospektləri, İ.Qayıbov, Cavadxan, Qaçaq Nəbi, M.Qaşqay, Şəddadilər, Əziz Əliyev, A.İsgəndərov, Ozan, Bağbanlar və digər küçələrində, "AKTA-6" və "Mahrasa bağları" adlanan ərazilərdə ümumi uzunluğu 114 509,1 metr olan müxtəlif diametrli orta təzyiqli, 68 847,45 metr isə aşağı təzyiqli polietilen qaz xətləri çəkilib.

Təkcə bu ilin birinci yarısında 29 504,8 metr uzunluğunda orta təzyiqli, 5 342,65 metr uzunluğunda isə aşağı təzyiqli polietilen qaz xətləri quraşdırılıb. Qeyri-yaşayış sahələrinin qazlaşdırılması məqsədi ilə 16 997,9 metr uzunluğunda əlavə qaz xətti çəkilib.

Şəhərin Avtozavod və Sevinc qəsəbələrində polad borularla ümumilikdə 40 994,5 metr uzunluğunda kücə qaz xətti çəkilib ki, bu işlərin də 21 937,1 metri 2013-cü ilin ilk yarısında görülüb. Hazırda Avtozavod qəsəbəsi ərazisində 325 mm-lik daşıyıcı qaz kəməri polietilen borularla əvəz olunur. Hacıkənd qəsəbəsində əhalinin təbii qazla təmin olunması üçün 6 300 metr uzunluğunda yeni qaz xətti çəkilib, 142 ev təbii qazla təmin edilib. Bu ərazidə yeni inşa olunmuş evlərin qazlaşdırılması davam etdirilir.

2013-cü ilin ilk 6 ayı ərzində 378 qaztənzimləyici və 280 siyirtmə təftiş edilərək təmir olunub. Hazırda 8 ədəd 250-300 mm-lik siyirtmənin quraşdırılması üçün hazırlıq işləri aparılır.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.