İqtisadiyyat

“PAŞA Bank" bu ilin hesabatını açıqladı

16 Oktyabr 2025 20:55
Baxış: 3 112
VTB-də minimal faiz dərəcəsi ilə nağd kredit 9.9%-dən
#BANKLAR

"Pasha bank"da 2025-ci ilin I yarımilinə həsr olunan mətbuat konfransı keçirilib.

Konfransda "PAŞA Bank"ın İdarə Heyətinin üzvü, Baş Maliyyə inzibatçısı Murad Süleymanov və bankın komplayns üzrə Baş direktoru Anar Kərimov jurnalistlərin suallarını cavablayıblar.

"PAŞA Bank" bu gün ölkənin aparıcı maliyyə institutlarından biridir. 19,31%-lik bazar payı ilə biznes kreditləri üzrə ən iri portfelə malik özəl bank kimi fəaliyyət göstəririk"

Bunu "PAŞA Bank"ın İdarə Heyəti sədrinin müavini Bəhruz Nağıyev bildirib.

"Fəaliyyətimizin əsas məqsədi real sektora, sahibkarlığa və qeyri-neft iqtisadiyyatına dəstək olmaqdır. Yeni isethsal və xidmət sahələrinin yaranması, mövcud bizneslərin genişlənməsi üçün fərqli maliyyə həlləri və kredit məhsulları təqdim edirik", - deyə o qeyd edib.

Həmçinin qeyd olunub ki, bu ilin ilk 6 ayı ərzində "PAŞA Bank"ın cəmi aktivləri 8,986 milyard manat təşkil edib.

Süni intellektin işçi sayına təsiri ilə bağll sualları cavablandırarkən bildirildi ki, işçilərin sayında artım olub və süni intellektin bank sahəsinə işçi baxımdan təsiri olduqca aşağıdır.

Konfransda ötən il bankın marjasının 6.6%-dən 5.5%-ə enməsi, bu ilin ilk 6 ayında isə bu göstəricinin 5.5%-dən 4.7%-ə düşməsi qeyd olunub. 

"Bu ilin birinci yarımilində "PAŞA Bank" ASC-nin xalis mənfəətinin azalması əsasən faiz xərclərinin artması ilə əlaqədardır", - Murad Süleymanov bildirib.

Son zamanlar kartlar ilə bağlı artan kiberdələduzluq halları ilə bağlı suallar cavablandırılarkən bildirildi ki, sözügedən bank əsasən korporativ şirkət olduğu üçün kibercinayət halları daha az yaşanır, buna baxmayaraq daim yüksək təhlükəsizlik tədbirləri görülür.

Umarlı Bəxtiyar
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.