İqtisadiyyat

"Manat bu tarixədək sabit qalacaq, sonra isə… "

5 Noyabr 2024 21:16
Baxış: 3 046
VTB-də minimal faiz dərəcəsi ilə nağd kredit 9.9%-dən
#MANAT

Ötən illə müqayisədə cari ilin on ayı ərzində valyuta satışının həcminin bu qədər artmasının müxtəlif səbəbləri mümkündür. Bu səbəbləri bilmədən, valyuta satışının həcminin nə üçün artdığı sualına əsaslı cavab vermək mümkün deyil. Ola bilər ki, bir müddət dövlət büdcəsində yaranmış profisit səbəbindən Neft Fondundan nəzərdə tutulmuş vəsaitlərin transferi zamanla gecikdirilib və s. Yəni mətbəxdə nə baş verdiyini bilmədən onu yozmaq olmaz. Mərkəzi Bankın valyuta resurslarının da bir qədər azalması manatın məzənnəsinə hər hansı bir təhlükənin yaranması anlamına gələ bilməz.

Milli.Az xəbər verir ki. bu sözləri sabiq maliyyə naziri, iqtisadçı alim Fikrət Yusifov Globalinfo.az-a açıqlamasında Neft Fondunun ötən illə müqayisədə valyuta satışını 2,3 dəfə artırması və bunun manata təzyiqi haqda müzakirələrə münasibət bildirərkən deyib.

F.Yusifov Mərkəzi Bankın ən azından gələn ilin sonlarına qədər manatın sabitliyini təmin edəcəyini vurğulayıb:

"Bundan sonra atılacaq addımlar isə dünya iqtisadiyyatında baş verən prosseslərlə və eyni zamanda neftin qiymətlərinin özünü necə aparacağından asılı olacaq. Bütün bu söhbətlər fonunda bir həqiqəti söyləməliyik - Azərbaycan zamanla milli valyutanın üzən məzənnəyə keçməsini də göz önünə alıb Ümümdünya Ticarət Təşkilatına üzv olmağa hazırlaşmalıdır. Biz artıq bu təşkilata üzv olmaq haqqında ciddi düşünməliyik".

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.