Mədəniyyət

B-Boy Mahmood: Birinci “Baku Flow”da 20-dən çox ölkənin nümayəndələri iştirak edəcək – VIDEO - FOTO

12 Avqust 2025 16:00

Baxış: 434

VTB-də yüksək depozit faizleri daha çox qazandırır

#MƏDƏNİYYƏT

Bakıda ilk dəfə olaraq Azərbaycan Rəqs İttifaqının (AzDC) təşkilatçılığı ilə "Baku Flow" Beynəlxalq Breyk-Dans Çempionatı keçiriləcək. Bu tədbir gənclərin rəqs sənətində yaddaqalan hadisələrdən biri olacaq.

"Bu breykinq yarışmasında 20-dən artıq ölkədən qonaqlar iştirak edəcək. Yüksək səviyyəli münsiflik standartları və dəyərli mükafatlar təqdim olunacaq. Bu, bu möhtəşəm mədəni tədbirdə iştirak etmək üçün sizin şansınızdır!", - deyə Avropa çempionu və dünya birinciliklərinin mükafatçısı, B-Boy Mahmood adı ilə tanınan Mahmud Kamoun bildirib.
Yarışlar 6-7 sentyabr tarixlərində "Baku Marriott Hotel Boulevard"da keçiriləcək, burada Şərq mədəniyyəti müasir rəqs ilə birləşəcək. Qonaqlara müxtəlif istiqamətlərdə rəqqasların möhtəşəm çıxışları, eləcə də beynəlxalq səviyyəli münsiflərdən və titullu rəqqaslardan ustad dərsləri təqdim olunacaq. "Baku Flow"un əsas məqsədi breyk-dansın yalnız dəbli və zərif bir janr olmadığını, həm də fiziki güc, dözümlülük, yaradıcılıq, emosional ifadəlilik və özünə inamın inkişafına kömək edən peşəkar idman növü olduğunu çatdırmaqdır.

İnformasiya dəstəyi - Trend.Az, Day.Az, Milli.Az, Azernews.Az