Mədəniyyət

“Uşaqlıq duyğularımın rəngləri" şou–sərgisinin açılışı olacaq

24 Oktyabr 2023 16:38

Baxış: 2 164

#MƏDƏNİYYƏT #SƏRGİ

Azərbaycan Respublikası Mədəniyyət Nazirliyi, Azərbaycan Rəssamlar İttifaqı, Azərbaycan Dövlət Rəsm Qalereyası və Xətai Sənət Mərkəzi "Heydər Əliyev ili" çərçivəsində təsviri sənətə ictimai marağı artırmaq, böyüklərin uşaq məsumluğu və səmimiyyəti ilə ərsəyə gətirdikləri rəsm əsərlərini görmək məqsədi ilə elan olunmuş "UŞAQLIQ DUYĞULARIMIN RƏNGLƏRİ" adlı şou-sərgi üçün əsər qəbulu başa catdı.

3 noyabr 2023-cü il tarixində saat 16:00-da "UŞAQLIQ DUYĞULARIMIN RƏNGLƏRİ şou-sərginin açılış mərasimi olacaq.
Təqdim olunan əsərlər arasında uşaqlığa qaytaran, xatirələr canlandıran əsərlər əsas yer tutur.
Elanda qeyd olunduğu kimi, sərgidə bəzi müəlliflər uşaqkən çəkdiyi rəsmlərlə təmsil olunurlar.
Əsəri sərgilənəcək iştirakçılar https://cloud.mail.ru/public/QjN4/V9ixQXAFT

Sərgilənəcək əsərlər 31 oktyabr tarixinı qədər Xətai Sənət Mərkəzinin ikinci mərtəbəsinə təhfil verilməlidir.

Əsəri sərgilənən müəlliflərə sertifikat təqdim olunacaq.
Nəzərinizə çatdıraq ki, sərgi üçün yaşı 18-dən yuxarı rəssamlar və müxtəlif peşə sahibləri təqdim edəcəyi əsər(lər)in fotosu ilə bərabər əsərin adı, soyad, ad,təvəllüd, peşə və əlaqə nömrəsini qeyd edərək [email protected] ünvanına göndərməklə qatılmışlar.

İnformasiya dəstəyi - Trend.Az, Day.Az, Milli.Az