İdarəetmədən çıxan maşın kafeyə girdi: 1 ölü, 6 yaralı

Fransanın paytaxtı Parisdə idarəetmədən çıxan avtomobil kafenin ərazisinə girib.

Milli.Az APA-ya istinadən xəbər verir ki, nəticədə 1 nəfər ölüb, 6 nəfər yaralanıb.

Hadisə Parisin 17 -ci məhəlləsindəki Sofrois küçəsində baş verib. Sürücünün maşını qəza yerində qoyaraq qaçdığı bildirilib.

Yaralılardan biri, avtomobildə olan sərnişin reanimasiyaya yerləşdirilib.

Şəhər polisi kafenin ərazisini nəzarətə götürüb, araşdırma aparılır.

Milli.Az