Azərbaycanda dəhşətli qəza: bir ailənin 5 üzvü xəstəxanalıq oldu - FOTO

Bakı-Qazax yolunun Hacıqabul rayonundan keçən hissəsində iki avtomobilin toqquşması nəticəsində 7 nəfər xəsarət alıb.

Milli.Az-ın APA-ya istinadən məlumatına görə, hadisə bu gün saat 15:30 radələrində yolun 134-cü kilometrliyində qeydə alınıb. 1993-cü il təvəllüdlü Dəmirov Azər Araz oğlunun idarə etdiyi "VAZ 2107" markalı 90 RV 230 dövlət nömrə nişanlı avtomobillə Tovuz sakini İsayev Ramil İdris oğlunun idarə etdiyi "Opel" markalı 99 PX 051 dövlət nömrə nişanlı avtomobil toqquşub.

Qəza nəticəsində "VAZ 2107"-nın sürücüsü və sərnişini, 1991-ci il təvəllüdlü İgdəliyev Rəşad Ramiz oğlu ağır vəziyyətdə Şirvan şəhər Xəstəxanasının reanimasiya və travmatologiya şöbələrinə yerləşdirilib.

"Opel" markalı avtomobilin sərnişinləri - bir ailənin 5 üzvü Bakı sakinləri, 1982-ci il təvəllüdlü Əliyev Vüsal Arif oğlu, 2007-ci il təvəllüdlü Əliyeva Sevan Vüsal qızı, 2005-ci il təvəllüdlü Əliyev Səlcuq Vüsal oğlu, 1984-cü il təvəllüdlü Əliyeva Həyat Yeylağ qızı və Tovuz rayon sakini, 1962-ci il təvəllüdlü Əliyeva Məlahət Rza qızı müxtəlif dərəcəli xəsarətlərlə Hacıqabul Mərkəzi rayon Xəstəxanasına yerləşdiriliblər.

Faktla bağlı Baş Dövlət Yol Polisi İdarəsində araşdırma aparılır.

Milli.Az

Böyütmək üçün şəkillərə klikləyin.